| 02.09.2010 |
Forseti er viðstaddur opnun nýrra höfuðstöðva hugbúnaðarfyrirtækisins LS Retail. Það hefur náð miklum árangri á undanförnum árum og er nú hugbúnaður þess notaður í yfir sextíu löndum í 27.000 verslunum. Meðal notenda hugbúnaðarins eru þekktustu fyrirtæki heims. Fulltrúar LS Retali tóku þátt í opinberri heimsókn forseta til Indlands í upphafi þessa árs en fyrirtækið hefur náð miklum árangri á Indlandi. Viðstaddir opnunina voru fulltrúar samstarfsaðila frá mörgum löndum. Í ávarpi fagnaði forseti árangri fyrirtækisins sem bæri vitni um þann kraft og sköpunargetu sem væri í íslenskum hugbúnaðarfyrirtækjum. Árangurinn væri mikilvæg skilaboð fyrir ungt fólk á Íslandi. Hægt væri að afla sér menntunar með það að markmiði að hafa rætur á Íslandi en tengjast athöfnum á heimsvísu. |
| 02.09.2010 |
Forseti stýrir fundum ríkisráðs á Bessastöðum. Á fyrri fundinum létu fjórir ráðherrar af störfum og fyrrum félagsmálaráðherra var skipaðar efnahags- og viðskiptaráðherra. Þá tóku tveir nýir ráðherrar sæti í ríkisstjórninni á seinni fundinum. |
01.09.2010
|
Forseti á fund með ráðherra utanríkismála á Indlandi, frú Preneet Kaur, þar sem rætt var um aukna samvinnu Indlands og Íslands að undanförnu, m.a. í kjölfar opinberrar heimsóknar forseta til Indlands í janúar. Nýting hreinnar orku, einkum jarðhita, og sú tækniþekking sem Íslendingar hafa yfir að ráða, samstarf á sviði vísinda og rannsókna, m.a. með tilliti til loftslagsbreyintga og bráðnunar jökla, framleiðsla lyfja og samvinna á sviði upplýsingatækni eru meðal þeirra þátta sem vaxandi áhersla er á í samskiptum landanna. Einnig hafa tengslin á vettvangi stjórnmála aukist og byggjast á þeim lýðræðishefðum sem bæði löndin búa að enda er Indland fjölmennasta lýðræðisríki veraldar og lýðræði á Íslandi á sér djúpar rætur í sögu þjóðarinnar. Að loknum fundinum bauð forseti til kvöldverðar til heiðurs hinum indverska ráðherra. |
| 01.09.2010 |
Forseti er viðstaddur formlega opnun á nýju sendiráði Indlands á Íslandi. Við athöfnina fluttu ræður ráðherra utanríkismála á Indlandi frú Preneet Kaur og Össur Skarphéðinsson utanríkisráðherra. |
31.08.2010
|
Forseti á fund með nýjum sendiherra Rúanda, frú Jacqueline Mukangira, sem afhenti trúnaðarbréf sitt á Bessastöðum. Rætt var um árangur þjóðarinnar við endurreisn mannlífs og stjórnkerfis í kjölfar hinna blóðugu átaka sem höfðu í för með sér þjóðarmorð og víðtækar hörmungar. Þá var einnig fjallað um ríkulega möguleika Rúanda til að nýta jarðhita, vatnsorku og aðrar auðlindir og óskir ráðamanna landsins um nána samvinnu við Ísland á því sviði. Rúanda hefur möguleika á að verða í fararbroddi ríkja í Afríku við nýtingu hreinnar orku, sem og að þróa upplýsingatækni sem þegar hefur verið lagður grundvöllur að. Mynd |
31.08.2010
|
Forseti á fund með William Fitzhugh safnstjóra Smithsonian stofnunarinnar í Washington og Elizabeth Ward safnstjóra Víkingaheima í Reykjanesbæ. Rætt var um árangur af víkingasýningunni sem efnt var til árið 2000 í Bandaríkjunum en sú sýning fór til margra borga þar í landi og einnig til Kanada. Þá var fjallað um tækifæri sem hinir nýju Víkingaheimar í Reykjanesbæ fela í sér, bæði hvað varðar ferðaþjónustu, alþjóðlegar ráðstefnur og fræðslu fyrir nemendur og skólafólk á Íslandi. Mynd |
30.08.2010
|
Forseti á fund með fulltrúum Rannsókna og greiningar um Forvarnardaginn sem fyrirhugað er að halda í haust. Skipulag dagsins yrði með sama hætti og áður og yrði það í fimmta sinn sem Forvarnardagurinn yrði haldinn. Dagskrá hans fer fram í 10. bekk í grunnskólum landsins og hafa ÍSÍ, UMFÍ og skátahreyfingin ásamt sveitarfélögum í landinu verið öflugir þátttakendur í deginum. Hann hefur og verið myndarlega studdur af Actavis. |
29.08.2010
|
Forseti sækir hátíðartónleika Sinfóníuhljómsveitar Norðurlands sem haldnir eru í hinu nýja menningarhúsi Hofi. Það eru fyrstu tónleikar Sinfóníuhljómsveitarinnar í Hofi og flytur hljómsveitin m.a. nýtt verk eftir Hafliða Hallgrímsson tónskáld. Víkingur Heiðar Ólafsson mun síðan leika píanókonsert eftir Grieg og lýkur tónleikunum með flutningi á Níundu sinfóníu Dvoráks. Stjórnandi hljómsveitarinnar er Guðmundur Óli Guðmundsson. |
29.08.2010
|
Forseti sækir Norðurlandamót U-20 á Akureyri og afhendir verðlaun. Á mótinu er keppt í frjálsum íþróttum og eru um 200 þátttakendur frá Norðurlöndum og um 250 þátttakendur frá Íslandi en aðildarfélög UMFÍ annast mótið. |
28.08.2010
|
Forseti sækir ýmsa viðburði á Akureyrarvöku, einkum í Listagilinu. Á Akureyrarvöku kemur fram mikill fjöldi listafólks sem og ungt fólk úr Menntaskólanum á Akureyri og önnur ungmenni sem koma að ýmsum verkefnum í bæjarlífinu. |
| 28.08.2010 |
Forseti tekur við eintaki af nýrri bók um Akureyri og nágrenni í Eyjafirði. Höfundar hennar eru Anna Fjóla Gísladóttir og Gísli B. Björnsson og er í bókinni fjöldi mynda og frásagna um mannlíf, byggð og náttúru. |
28.08.2010
|
Forseti er viðstaddur vígslu menningarhússins Hofs á Akureyri. Í því eru tveir salir ásamt margvíslegri annarri aðstöðu og verður húsið ný heimkynni Sinfóníuhljómsveitar Norðurlands og annarra þátta í tónlistarlífi Akureyrar sem og nýr vettvangur fyrir Leikfélag Akureyrar og aðra menningarstarfsemi á Norðurlandi. Þá situr forseti kvöldverð í boði bæjarstjórnar Akureyrar sem haldinn er í Hofi. |
28.08.2010
|
Forseti flytur ræðu við vígslu nýbyggingar Háskólans á Akureyri. Byggingin gerbreytir aðstöðu háskólans, bætir við nýjum fyrirlestrasölum og margvíslegum möguleikum fyrir nemendur og starfsfólk, sem og alþjóðlega starfsemi háskólans. Auk forseta flytja ávörp menntamálaráðherra og rektor og fulltrúar góðvina háskólans, nemenda og byggingaraðila. Að lokinni vígslunni er opið hús háskólans á Akureyri þar sem fram fer kynning á starfsemi sviða og rannsóknarstofnana háskólans sem og á starfsemi nemendafélagsins og á símenntun og alþjóðastarfi. Ávarp forseta.
|
| 26.08.2010 |
Forseti á fund með sendinefnd frá bandarísku verslunarkeðjunni Whole Foods sem heimsækir Ísland til að kynna sér vistvæna framleiðslu sjávarafurða. Verslunarkeðjan sérhæfir sig í gæðamatvælum og hefur á undanförnum árum kynnt íslenskan landbúnað og sjávarafurðir. Baldvin Jónsson sem verið hefur frumkvöðull að þessu samstarfi sat einnig fundinn. |
26.08.2010
|
Forseti á fund með nýjum forstjóra Actavis Claudio Albrecht og Hjördísi Árnadóttur fjölmiðlafulltrúa um vaxandi starfsemi fyrirtækisins, vöxt umsvifa þess á Íslandi og stuðning við verkefni í forvörnum sem miða að því að forða ungu fólki frá því að verða fíkniefnum að bráð. Þar ber hæst verkefnið Youth in Europe sem fjöldi evrópskra borga tekur þátt í og Forvarnardaginn á Íslandi. Forseti er verndari beggja verkefnanna og eru þau byggð á rannsóknum íslenskra félagsvísindamanna.
|
| 26.08.2010 |
Forseti á fund með nýjum sendiherra Þýskalands hr. Hermann-Josef Sausen sem afhenti trúnaðarbréf sitt á Bessastöðum. Rætt var um aldalöng tengsl landanna, áhrif á sviði menningar, mennta, trúar og viðskipta. Í upphafi nýrrar aldar sé mikilvægt að leggja áherslu á samvinnu varðandi þróun norðurslóða og nýtingu hreinnar orku, einkum jarðhita í Þýskalandi og Mið-Evrópu. Bókasýningin í Frankfurt á næsta ári þar sem Ísland verður í heiðurssæti verði mikilvægur viðburður. Viðræður Íslands við Evrópusambandið skapi einnig ný verkefni í samskiptum landanna. Að loknum fundi forseta og sendiherra var móttaka fyrir fjölda fólks sem tengist samvinnu Íslands og Þýskalands. Mynd |
26.08.2010
|
Forseti á fund með fulltrúum Langanesbyggðar og Vopnafjarðarhrepps um þróun norðurslóða, hvernig nýting orkulinda, nýjar siglingaleiðir, loftslagsbreytingar og samvinna ríkja og byggðarlaga á norðurslóðum geta fært íbúum á norðausturhluta Íslands ný tækifæri. |
| 25.08.2010 |
Forseti ræðir við stjórnarmenn í Sambandi ungra Sjálfstæðismanna um þróun forsetaembættisins, verkefni þess og stöðu, lýðræðishugmyndir sem móta íslenska stjórnskipun, rétt þjóðarinnar sem kveðið er á um í stjórnarskrá og ýmsa þætti umræðunnar um stjórnlagaþing. Mynd |
| 25.08.2010 |
Forseti ræðir við hóp af ungu fólki sem tekur þátt í starfi Ungmennaráðs Vesturbæjar í Reykjavík og jafnaldra þeirra frá Möltu sem taka þátt í verkefni um lýðræðislega þátttöku ungs fólks, stöðu eyþjóða og tækifæri smærri ríkja. Forseti fjallaði m.a. um hvernig hin nýja upplýsingatækni og kostir smæðarinnar gætu veitt ungu fólki á Íslandi og Möltu ný tækifæri til að láta að sér kveða og hafa áhrif á samfélag sitt. |
| 25.08.2010 |
Forseti á fund með Þórólfi Þórlindssyni prófessor og fyrrum forstöðumanni Lýðheilsustöðvar um forvarnir og lýðheilsu ungmenna, nauðsyn þess að halda áfram því árangursríka starfi sem þróað hefur verið á undanförnum árum. Rannsóknir íslenskra félagsvísindamanna hafa verið grundvöllur þess starfs, samvinna sveitarfélaga og æskulýðssamtaka gegnt lykilhlutverki. |
| 24.8.2010 |
Forseti á fund með formanni Rauða kross Íslands Önnu Kristjánsdóttur og framkvæmdastjóra samtakana Kristjáni Sturlusyni um landsöfnunina Göngum til góðs sem fram mun fara í byrjun október. Líkt og í fyrri söfnunum munu sjálfboðaliðar heimsækja öll heimili á landinu og er hvatt til þess að fjölskyldur og vinahópar taki sig saman og gangi til liðsinnis góðum málstað. Söfnunin að þessu sinni er helguð hjálparstarfi í Afríku, aðstoð við þá sem búa við kröppust lífskjör, með sérstakri áherslu á hjálparverkefni í Malaví. Safnanirnar hafa á undanförnum árum skilað miklum árangri og gert Rauða krossi Íslands kleift að vera öflugur fulltrúi landsins í alþjóðlegu hjálparstarfi. |
| 23.08.2010 |
Forseti tekur á móti og ræðir við hóp af fólki af íslenskum ættum frá Kanada, einkum Winnipeg, Manitoba og Saskatchewan. Rætt var um ferðir Íslendinga vestur um haf, reynslu landnemanna og þróun byggðanna í Vesturheimi. Einnig var fjallað um aukin tengsl fólks af íslenskum ættum við Ísland á síðari árum en Snorri plús verkefnið er liður í þeirri starfsemi. Þátttakendur í því eru fullorðið fólk af íslenskum ættum en verkefnið tekur mið af Snorra verkefninu sem ætlað er ungmennum. |
| 21.08.2010 |
Forseti sækir lokatónleika fjölmenns kóramóts fólks frá Norðurlöndum og Eystrasaltsríkjum sem haldið er í Reykjavík. Tónleikarnir fóru fram í Laugardalshöll og sungu allir kórarnir, nær 70 talsins með um 1800 þátttakendum saman á tónleikunum. |
| 21.08.2010 |
Forseti sækir landsleik Íslands og Frakklands í kvennaknattspyrnu en hann var liður í riðlakeppni vegna heimsmeistaramóts. |
| 20.08.2010 |
Forseti ræðir við þátttakendur í stjórnarfundi ISCA, International Sport and Cultural Association. Stjórnarfundur þessara alþjóðlegu íþrótta- og menningarsamtaka er haldinn á Íslandi á vegum UMFÍ Samtökin vinna meðal annars að almenningsíþróttum og hafa hlotið styrki frá alþjóðasamtökum til aukins starfs meðal ungs fólks. Í stjórninni eiga sæti fulltrúar frá löndum í Evrópu, Suður-Ameríku og Asíu. |
| 20.08.2010 |
Forseti flytur erindi á norrænu leiðtogamálþingi sem JCI hreyfingin efnir til á Íslandi. Nordic Academy innan JCI hreyfingarinnar er hinn alþjóðlegi skipuleggjandi málþingsins. Í erindi sínu fjallaði forseti um aðild þjóðhöfðingja að starfsemi fjöldasamtaka og þátttöku í margvíslegum verkefnum á þeirra vegum, mikilvægi JCI hreyfingarinnar á Íslandi og á alþjóðavettvangi. Að erindi sínu loknu svaraði forseti fjölda fyrirspurna. |
| 20.08.2010 |
Forseti á fund með fulltrúum Rannsókna og greiningar, Ingu Dóru Sigfúsdóttur og Jóni Sigfússyni um forvarnaverkefnið Youth in Europe sem starfrækt hefur verið í fjölmörgum borgum í Evrópu. Forseti er verndari verkefnisins og hefur það skilað verulegum árangri á undanförnum árum. Undirstöður verkefnisins eru rannsóknir íslenskra félagsvísindamanna en þeir hafa svo haft forystu um hliðstæðar rannsóknir í þessum evrópsku borgum. Verkefnið er unnið í tengslum við samtök evrópskra borga gegn fíkniefnum ECAD, European Cities Against Drugs. |
| 20.08.2010 |
Forseti á fund með Geir Guðsteinssyni, fulltrúa sambands sunnlenskra karlakóra, um kóramót, Kötlumótið, sem haldið verður að Flúðum í október. Í mótinu tekur þátt fjöldi karlakóra frá Suðurlandi og Vesturlandi auk þess sem finnskur karlakór MMITAR verður sératakur gestur sönghátíðarinnar. |
| 19.08.2010 |
Forseti tekur á móti söngstjórum frá Norðurlöndum og Eystrasaltsríkjum sem taka þátt í alþjóðlegu kóramóti sem haldið er á Íslandi. Nærri 70 kórar með um 1800 þátttakendum sækja mótið. |
| 18.08.2010 |
Forseti er viðstaddur undirritun samkomulags um nýja stofnun sem helguð er sjálfbærri veröld. Stofnunin er byggð á hugmyndafræði bandaríska arkitektsins William McDonough en hann er aðalhvatamaður hennar. Stofnuninni er ætlað að votta byggðarlög, eyjasamfélög og þjóðir sem breyta lífsháttum sínum, byggingartækni og framkvæmdum í þágu sjálfbærrar veraldar. Kenningarnar og rannsóknir sem stofnunin mun styðjast við eru byggðar á grundvallarriti McDonough, Cradle to Cradle. Stofnunin hefur aðsetur í Kaliforníu í Bandaríkjunum en undirritunin fór fram á Íslandi að viðstöddum ýmsum sérfræðingum sem vinna munu með stofnuninni. |
| 17.08.2010 |
Forseti flytur ávarp á opnunartónleikum alþjóðlegs kóramóts en tónleikarnir fara fram í Laugardalshöllinni. Mótið sækir fjöldi kóra frá Norðurlöndum og Eystrasaltsríkjunum. Alls munu um 1800 söngvarar taka þátt í mótinu. Fjölmargir tónleikar verða haldnir sem og námskeið og kynningar. Í dagskrá mótsins er einnig að finna kveðju frá forseta. Kveðja á íslensku. Kveðja á ensku. |
| 16.08.2010 |
Forseti tekur á móti þátttakendum í alþjóðlegri ráðstefnu um máltækni, IceTal, sem haldin er á Íslandi. Þátttakendur koma frá tæplega 30 löndum í sex heimsálfum. Á ráðstefnunni eru flutt fjölmörg erindi um máltækni, m.a. talgreiningu, þýðingar, merkingarfræði og fleiri þætti málrannsókna. |
| 14.08.2010 |
Forseti sækir kynningu þar sem sýndir eru nýir möguleikar fyrir þá sem þurfa að nota hjólastóla og eða göngugrindur við athafnir daglegs lífs. Í kynningunni var lögð áhersla á hjólstóla- og göngugrindadans undir stjórn þjálfara frá Danmörku. Námskeiðið var ætlað kennurum, einkum þeim sem starfa með eldri borgurum, en þessi þekking getur einnig nýst við kennslu fatlaðra. |
13.08.2010
|
Forseti sendir forseta Kína samúðarkveðjur vegna náttúruhamfaranna að undanförnu. Einnig hefur forseti sent forseta Pakistans samúðarkveðjur vegna hinna hrikalegu flóða sem valdið hafa gríðarlegu flóði þar í landi. Fréttatilkynning. |
| 12.08.2010 |
Forseti ræðir við Dagfinn Sveinbjörnsson um rannsóknir á loftslagsbreytingum og áhrif þeirra á öryggi þjóða, einkum í Asíu og öðrum þróunarlöndum. |
| 11.08.2010 |
Forseti ræðir við Vir Sanghvi, ritstjóra Hindustan Times sem gefið er út á Indlandi, og blaðakonuna Seema Goswami sem starfar við sama blað. Fjallað var um samvinnu Indlands og Íslands, þróun efnahagsmála á Íslandi í kjölfar bankahrunsins, tækifæri í ferðaþjónustu og framtíðarhorfur í indverskum efnahagsmálum og stjórnmálum. |
| 10.08.2010 |
Forseti flytur ávarp á setningarathöfn alþjóðlegrar leiklistarhátíðar áhugaleikfélaga sem haldin er á Akureyri. Leikhópar frá ýmsum löndum í Evrópu taka þátt í hátíðinni en hún fer fram í hinu nýja menningarhúsi Hofi. |
| 10.08.2010 |
Forseti á fund með sendiherra Noregs á Íslandi, Margit Tveiten, sem senn lætur af störfum. Rætt var um menningu og sögu sem tengja löndin saman, sem og samvinnu Íslands og Noregs á síðari árum, viðbrögð við efnahagskreppunni og tengslin við Evrópusambandið. |
| 10.08.2010 |
Forseti á fund með David Speedie, fulltrúa Carnegie Council í New York, um rannsóknir á þátt siðfræði og öryggismála í baráttunni gegn loftslagsbreytingum, áhrif náttúruhamfara á líf almennra borgara og hvernig hægt sé að skapa árangursríka alþjóðlega umræðu um þessi efni. Carnegie Council stefnir að því að koma á fót umræðuþingum með þátttöku fulltrúa og sérfræðinga frá Bandaríkjunum og ýmsum öðrum ríkjum, svo sem Indlandi, Kína, Rússlandi, Indónesíu og fleirum. |
| 06.08.2010 |
Forseti sendi Dmitry Medvedev forseta Rússlands samúðarkveðju vegna hörmunganna sem orðið hafa í Rússlandi. Fjöldi landsmanna, bæði almennir borgarar og björgunarfólk, hefur látið lífið í kjölfar hinna hörmulegu elda sem herjað hafa á landið. |
| 28.07.2010 |
Forseti á fund með prófessor Roger Crofts sem er sérfræðingur í umhverfismálum og skipulagninu þjóðgarða. Rætt var um Vatnajökulsþjóðgarð og skipulagðan aðgang að íslenskri náttúru og vernd hennar í ljósi mikillar fjölgunar ferðamanna sem líkleg er á komandi árum og áratugum. |
| 28.07.2010 |
Forseti ræðir við fjölskyldur frá Ísrael, foreldra, börn og unglinga sem á undanförnum vikum hafa ferðast hringinn í kringum landið. Rætt var um reynslu af slíkum fjölskylduheimsóknum til Íslands, aðbúnað og fyrirgreiðslu heimamanna sem og fegurð íslenskrar náttúru og fjölþætt tækifæri allra aldursflokka til að njóta Íslands. |
| 26.07.2010 |
Forseti á fund með William Ravlin prófessor við Ohio State Háskólann í Bandaríkjunum og Guðrúnu Gísladóttur prófessor við Háskóla Íslands um samvinnu bandarískra og íslenskra vísindamanna á sviði jarðvegsrannsókna, gróðurfars og loftslagsbreytinga. Einnig var rætt um möguleika á víðtækari samvinnu svo sem rannsóknum á viðbrögðum við náttúruhamförum, t.d. eldgosum, flóðum, hvirfilvindum og jarðskjálftum. |
| 21.07.2010 |
Forseti á fund með Stefáni L. Stefánssyni sendiherra Íslands í Japan og fleiri ríkjum Asíu um tækifæri íslenskra fyrirtækja á sviði sjávarútvegs og jarðhita í þessum heimshluta.
|
| 21.07.2010 |
Forseti ræðir við hóp bandarískra stúdenta sem stunda nám við sumarskóla RES, Renewable Energy School, um árangur Íslendinga við nýtingu jarðhita og annarra orkulinda, nýjar áherslur á veraldarvísu í nýtingu hreinnar orku, einkum tækifæri Bandaríkjanna á komandi árum, sem og þann árangur sem tækniþróun og vísindarannsókir hafa skilað Íslendingum á þessum vettvangi.
|
| 21.07.2010 |
Forseti ræðir við fólk af íslenskum ættum frá Kanada sem heimsækir ættmenn sína á Íslandi. |
11.07.2010
|
Forseti afhendir Íslensku safnaverðlaunin við hátíðlega athöfn á Bessastöðum í dag sunnudaginn 11. júlí kl. 15:00, en í dag er haldið upp á íslenska safnadaginn. Dómnefnd tilnefndi þrjú söfn til verðlaunanna, og eru þau Byggðasafn Skagfirðinga Glaumbæ, Heimilisiðnaðarsafnið á Blönduósi og Nýlistasafnið í Reykjavík. Fréttatilkynning. - Að þessu sinni komu verðlaunin í hlut Nýlistasafnsins. |
08.07.2010
|
Forseti á fund með Svani Kristjánssyni prófessor um rannsóknir í stjórnmálafræði og þróun stjórnmálafræðikennslu.
|
07.07.2010
|
Forseti opnar sýninguna Svipmyndir úr norðursiglingum í Sjóminjasafni Reykjavíkur, Víkinni. Á sýningunni eru sýndar myndir rússneska ljósmyndarans Robert Lvovich Diament sem hann tók í síðari heimsstyrjöldinni af skipalestum sem sigldu um Norður-Atlantshafið til norðurhluta Rússlands. Siglingarnar voru mikilvægur þáttur í síðari heimsstyrjöldinni og gegndi Ísland þar mikilvægu hlutverki. Fyrir nokkrum árum var haldin ráðstefna á vegum Háskóla Íslands um þessa sögu. Ávarp forseta. |
05.07.2010
|
Forseti hefur sent nýjum forseta Filipseyja Benigno Aquino III, nýjum forseta Póllands Bronislaw Komorowski og nýjum forseta Þýskalands Christian Wulff heillaóskir í tilefni af kjöri þeirra.
|
03.07 2010
|
Forseti ræðir við Chhaya Bhanti sem sérhæfir sig í sjálfbærri þróun og nýtingu hreinnar orku, einkum með tilliti til Indlands og Bandaríkjanna, um þá tækniþróun og stefnumótun sem felst í reynslu Íslendinga af nýtingu jarðhita á síðastliðnum 40-60 árum. Samstarf Íslendinga og Indlands á sviði hreinnar orku var meðal efnisatriða í opinberri heimsókn forseta Íslands til Indlands í janúar.
|
02.07.2010
|
Forseti ræðir við nemendur í sumarskóla Rannsóknaseturs um smáríki við Háskóla Íslands. Fjallað var um stöðu smáríkja í samtíð og framtíðm, Ísland, Færeyjar og Grænland, sem og smáríki í Evrópu, Evrópusambandið og norðurslóðir. Nemendur í sumarskólanum koma frá mörgum þjóðlöndum í Evrópu.
|
30.06.2010
|
Forseti tekur á móti þátttakendum í ráðstefnu Evrópusambands flugfélaga ECA sem haldin er í Reykjavík þar sem rætt er um ýmis málefni flugmanna og flugrekstrar, m.a. öryggiskröfur vegna öskufalls og þá lærdóma sem draga má af reynslu síðustu mánaða.
|
30.06.2010
|
Forseti tekur á móti hópi krakka og eldri borgara sem starfa að verkefninu "Gleðidagar - Hvað ungur nemur, gamall temur" sem Rauði krossinn og Öldrunarráð Íslands hafa skipulagt. |
28.06.2010
|
Forseti á fund með sendinefnd frá franska þjóðþinginu sem heimsækir Ísland í boði Alþingis. Rætt var um samstarf landanna, lærdómana sem draga má af alþjóðlegri fjármálakreppu og hruni bankanna á Íslandi. Þá var fjallað um endurreisn íslensks efnahagslífs, Icesave deiluna, viðbrögð við loftslagsbreytingum, málefni norðurslóða og árangur Íslendinga við nýtingu hreinnar orku.
|
| 26.06.2010 |
Forseti tekur þátt í Sólseturshátíð í Garði og afhjúpar listaverkið "Í Faðmi Vindanna" eftir Mireyu Samper og Víði Árnason. Þá var forseti viðstaddur upphaf fjölskyldudagskrár, skoðaði sýningar listamanna sem tengdar eru hátíðinni og heimsótti heimilisfólkið á elliheimilinu Garðvangi. |
| 25.06.2010 |
Forseti á fund með sendiherra Kína, Su Ge, þar sem rætt var um árangur af nýlegri heimsókn kínverskrar sendinefndar til Íslands, samvinnu landanna við nýtingu hreinnar orku, og heimsókn forseta á Heimssýninguna í Shanghæ en hún er áformuð í september. Þá verður einnig haldið málþing um reynslu Íslendinga í orkumálum og forseti tekur þátt í sérstökum Íslandsdegi á Heimssýningunni.
|
24.06.2010
|
Forseti á fund með utanríkisráðherra Úkraínu hr. Kostyantyn Gryshchenko og sendinefnd hans en hann undirritaði í dag fríverslunarsamning milli EFTA og Úkraínu. Þessi samningur er mikilvægur áfangi í samskiptum landanna og var á fundinum lögð áhersla á að auka þau á komandi árum. Ráðherrann flutti forseta kveðju frá forseta Úkraínu Viktor Yanukovych ásamt boði um að koma í opinbera heimsókn til landsins. Þá var rætt um forn tengsl landanna sem birtast í Íslendingasögum, stjórnmálalega þróun í Úkraínu og aukinn stöðugleika, áform um aðild að Evrópusambandinu, sem og samskipti við Rússland, Kína og Miðausturlönd.
|
19.06.2010
|
Forseti ræðir við fréttamann sænsku sjónvarpsstöðvarinnar TV4 um bætta efnahagsstöðu Íslands, mikilvægar auðlindir þjóðarinnar, viðbrögðin við eldgosinu, framlag ungu kynslóðarinnar til efnahagslegrar endurreisnar sem og góða samvinnu Íslands og Svíþjóðar og þjóðhöfðingjanna á Norðurlöndum. Viðtalið var tekið í Stokkhólmi þar sem forsetahjónin taka þátt í hátíðarhöldum vegna brúðkaups Viktoríu krónprinsessu og Daníels Westling. |
18.06.2010
|
Forseti ræðir við enska útgáfu alþjóðlegu sjónvarpsstöðvarinnar Al Jazeera um ferðaþjónustuna á Íslandi, áhrif náttúruhamfaranna og þá aukningu sem orðið hefur í fjölda ferðamanna að undanförnu, sem og áhrifin á efnahagslíf landsins. |
18.06.2010
|
Forseti og forsetafrú héldu í morgun, föstudaginn 18. júní, til Stokkhólms þar sem þau munu taka þátt í hátíðarhöldum vegna brúðkaups Viktoríu krónprinsessu og Daniels Westling. Karl Gústaf Svíakonungur og Silvía drottning buðu forsetahjónunum að sækja brúðkaupið. Í kvöld sitja forsetahjón og aðrir gestir kvöldverð sænsku ríkisstjórnarinnar en í kjölfar hans er boðið til hátíðartónleika í Tónlistarhúsi Stokkhólmsborgar. Vígsluathöfnin verður á morgun laugardaginn 19. júní og eftir hana er boðið til hátíðarkvöldverður í sænsku konungshöllinni. Fréttatilkynning.
|
| 17.06.2010 |
Forseti tekur á móti um 50 erlendum sendiherrum sem taka þátt í hátíðarhöldunum 17. júní og heiðra Ísland á þjóðhátíðardaginn. |
| 17.06.2010 |
Forseti sæmdi tólf Íslendinga heiðursmerki hinnar íslensku fálkaorðu. Fréttatilkynning Mynd |
| 16.06.2010 |
Forseti tekur á móti þátttakendum í Snorraverkefninu en það veitir ungu fólki af íslenskum ættum í Kanada og Bandaríkjunum tækifæri til að dvelja á Íslandi, kynnast landi og þjóð og hitta ættmenn sína. Verkefnið sem nú er tólf ára hefur skilað miklum árangri og orðið burðarás í tengslum Íslands við samfélög Vesturíslendinga |
| 16.06.2010 |
Forseti á fund með nýjum sendiherra Kúveits á Íslandi, Ali Ibraheem Mohammad Saad Al-Nikhailan sem afhenti trúnaðarbréf á Bessastöðum. Rætt var um aukin samskipti Íslands við ríki í Miðausturlöndum, möguleika á útflutningi drykkjarvatns sem og á sviði tækniþróunar og orkumála. |
| 16.06.2010 |
Forseti á fund með nýjum sendiherra Ítalíu Antonio Bandini sem afhenti trúnaðarbréf á Bessastöðum. Rætt var um trausta samvinnu landanna, öflugan útflutning á íslenskum sjávarafurðum til Ítaliu í röska öld, fjölþætt samskipti á sviði menningar og lista, þróun Evrópusambandsins og lærdóma sem draga má af bankakreppu víða í álfunni. |
16.06.2010
|
Forseti á fund með sendiherra Palestínu á Íslandi hr. Yasser M.Y. Al Najjar. Rætt var um friðarhorfur í Miðausturlöndum, nýliðna atburði og vandkvæði á að þróa árangursríka samninga milli Ísraels og Palestínu. Einnig var fjallað um hvernig alþjóðastofnanir og önnur ríki gætu stutt friðarferlið. |
15.06.2010
|
Forseti á fund með Kathryn Neal forseta Íslendingadagsins í Gimli um starfsemi Íslendingasamfélaganna í Vesturheimi, hátíðahöldin í Gimli, árangur Snorraverkefnisins og mikilvægi þess að efla samskipti Íslendinga vestur um haf og samstarf Íslendingafélaganna í Norður-Ameríku innan Þjóðræknisfélagsins. |
15.06.2010
|
Forseti á fund með stjórnendum Icelandic Group um útflutning á íslenskum sjávarafurðum og sterka markaðsstöðu þeirra víða um heim, bæði í Evrópu, Bandaríkjunum og Asíu. |
15.06.2010
|
Forseti á fund með nýjum sendiherra Síles hr. Juan Aníbal Barría García sem afhenti trúnaðarbréf sitt á Bessastöðum. Rætt var um samstarf þjóðanna á sviði menningar, hugsanlega þátttöku í lista- og menningarhátíðum, öflug tengsl landanna í sjávarútvegi og hugsanlega nýtingu jarðhita. Þá var rætt um viðbrögð Íslendinga við bankahruninu, stofnun rannsóknarnefndar og hvernig lýðræðisríki bregðast við áföllum á fjármálamörkuðum. |
15.06.2010
|
Forseti opnar sýninguna Landspítali 80 ára. Úr sögu og samtíð Landspítalans en þar er að finna margvíslega gripi og tæki úr sögu Landspítalans sem og listaverk og aðra muni. Ávarp forseta.
|
15.06.2010
|
Forseti á fund með nýjum sendiherra Ástralíu á Íslandi hr. James Choi sem afhenti trúnaðarbréf sitt á Bessastöðum. Rætt var um alþjóðlegt samstarf Íslands, Ástralíu og Bandaríkjanna á sviði jarðhita sem stofnað var til fyrir nokkrum árum, þróun loftslagsbreytinga og reynslu Íslendinga í landgræðslu en Ástralír glíma við eyðimörkina og eyðingu jarðvegs.
|
15.06.2010
|
Forseti á fund með sendiherra Sameinuðu arabísku furstadæmanna hr. Abdulrahman Ghanem A. Almutaiwee sem afhenti trúnaðarbréf sitt á Bessastöðum en hann er fyrsti landsins á Íslandi. Rætt var um samstarf ríkjanna á sviði hreinnar orku, þátttöku forseta í heimsþingi í Abu Dhabi um framtíð orkumála, um borun Reykjavík Geothermal eftir jarðhita í Abu Dhabi og tækifæri til samstarfs á öðrum sviðum, svo sem ýmiss konar tækni og í útflutningi á drykkjarvatni frá Íslandi til Sameinuðu arabísku furstadæmanna.
|
13.06.2010
|
Forseti tekur þátt í opnunarhátíð torfbæjarlíkans sem nemendur úr 8. bekk Egilsstaðaskóla hafa reist í samvinnu við Minjasafn Austurlands. Torfbærinn á Galtastað í Hróarstungu er fyrirmynd líkansins og hafa nemendur kynnt sér gerð torfbæja og mannlíf á þeim tímum þegar þeir voru helsti húsakostur til sveita. Við athöfnina flutti forseti stutt ávarp þar sem hann fagnaði þessu framtaki, áréttaði mikilvægi þess að efla þekkingu á íslenska torfbænum enda væri nú rætt um að setja hann á heimsminjaskrá. Einnig nefndi forseti að slík samvinna grunnskóla og minjasafna gæti orðið veigamikill þáttur í fræðslu og varðveislu menningararfs í öllum landshlutum. |
12.06.2010
|
Forseti afhendir styrki úr Háskólasjóði KEA en þeir voru afhentir á sérstakri samkomu að lokinni Háskólahátíð. Í upphafi athafnarinnar flutti rektor Háskólans á Akureyri Stefán B. Sigurðsson ávarp auk forseta. Styrkir voru veittir til rannsóknarverkefna, tækjakaupa og einstakra deilda háskólans
|
12.06.2010
|
Forseti er viðstaddur Háskólahátíð á Akureyri þegar brautskráðir eru nemendur frá Háskólanum á Akureyri. Rúmlega 300 nemendur úr mörgum greinum fengu skírteini sín að þessu sinni. |
11.06.2010
|
Forseti sækir málþing um orku og umhverfismál sem haldið er í Hellisheiðarvirkjun. Málþingið er liður í opinberri heimsókn forseta Eistlands og þar fjalla íslenskir vísindamenn og sérfræðingar um nýtingu hreinnar orku á Íslandi, framlag Jarðhitaskóla Háskóla Sameinuðu þjóðanna, norðurslóðir og stefnumótun á þeim vattvangi, niðurdælingu koltvísýrings og bráðnun jökla.
|
10.06.2010
|
Í kvöldverði sem haldinn var á Bessastöðum til heiðurs forseta Eistlands Toomas Hendrik Ilves og frú frú Evelin Ilves flutti forseti Íslands ræðu þar sem hann fjallaði um samvinnu Íslands og Eistlands á alþjóðavettvangi og verkefni landanna á komandi árum. Ræða forseta Íslands: Íslenska, eistneska, enska. Ræða forseta Eistlands á ensku á vefsetri hans.
Í ræðu sinni við sama tækifæri fjallaði forseti Eistlands um þann stuðning sem Íslendingar hefðu veitt Eistum í sjálfstæðisbaráttunni, menningu þjóðanna, reynslu Eista af aðild að Evrópusambandinu og hvatti til enn nánari tengsla þjóðanna á komandi árum.
|
10.06.2010
|
Að loknum viðræðufundi forseta með forseta Eistlands Toomas Hendrik Ilves ræddu þeir við blaðamenn. Þar lagði forseti Eistlands áherslu á reynslu landsins af aðild að Evrópusambandinu og bauð Íslendingum til þátttöku í sérstökum hátíðarhöldum á næsta ári í tilefni af 20 ára afmæli sjálfstæðis Eista. Forseti Íslands þakkaði hið góða boð, lagði áherslu á góða samvinnu landanna og taldi vel við hæfi að fyrsta opinbera heimsóknin til Íslands eftir bankahrunið 2008 hefði verið heimsókn forseta slíkrar vinaþjóðar. Síðdegis heimsótti forseti Eistlands Alþingi, ræddi við fulltrúa stjórnamálaflokka og hélt síðan fyrirlestur í Þjóðmenningarhúsinu.
|
09.06.2010
|
Forseti á fund með fulltrúum frá alþjóðlegri ráðstefnu sem haldin hefur verið á Íslandi um loftslagsbreytingar og áhrif þeirra á mannvirki og öryggismál. Rætt var um þá hugmynd að halda slíkar alþjóðegar ráðstefnur reglulega á Íslandi og þátttöku forseta í umræðum um þessi efni á vegum stofnana í Bandaríkjunum.
|
09.06.2010
|
Forseti á fund með kínverskri sendinefnd sem heimsækir Ísland. Sendinefndin er undir forystu He Guoqiang og í henni eru fulltrúar frá Seðlabanka Kína, Útflutnings-innflutningsbanka Kína og kínverskum orkufyrirtækjum. Að loknum fundinum býður forseti fulltrúum kínversku sendinefndarinnar til hádegisverðar á Bessastöðum.
|
| 08.06.2010 |
Forseti veitti Íslensku menntaverðlaunin í Mýrarhúsaskóla á Seltjarnarnesi en þau eru bundin við grunnskólastarfið og eru veitt í fjórum flokkum. Fréttatilkynning |
| 07.06.2010 |
Forseti á fund með þýska athafnamanninum Carl Hahn, fyrrum forstjóra Volkswagen, sem heimsækir Ísland til að kynna sér nýtingu jarðhita, hið mikla forðabúr af fersku drykkjarvatni sem Ísland býr yfir, möguleika í heilsuvörum, líftækni og ferðaþjónustu. |
07.06.2010
|
Forseti ræðir við sveit blaðamanna og fréttamanna frá dagblöðum og tímaritum í Sviss um íslenskt samfélag, efnahagslíf, náttúru, menningu, landslag og fjölþætta ferðaþjónustu.
|
07.06.2010
|
Forseti ræðir við Ingu Dagfinnsdóttur um listasafn sem hannað væri með tilliti til samtímalistar og virkrar þátttöku listamanna.
|
06.06.2010
|
Forseti flytur setningarræðu á alþjóðlegri ráðstefnu sem haldin er á Hellu um loftslagsbreytingar og áhrif þeirra á öryggi þjóða á komandi árum og áratugum. Ráðstefnuna sækja vísindamenn í loftslagsmálum og sérfræðingar á sviði öryggismála frá ýmsum þjóðlöndum. Ræða forseta. |
06.06.2010
|
Forseti er viðstaddur guðþjónustu í Dómkirkjunni í tilefni Sjómannadagsins þar sem Hjálmar Jónsson dómkirkjuprestur predikar og minnst er látinna sjómanna.
|
05.06.2010
|
Forseti er viðstaddur Óperuveislu Kristins Sigmundssonar í Háskólabíói. Auk Kristins komu þar fram Sinfóníuhljómsveit Íslands og Óperukórinn í Reykjavík og voru tónleikarnir lokaþáttur Listahátíðar í Reykjavík 2010.
|
05.06.2010
|
Forseti flytur ávarp á fjölskyldudegi UMFÍ. Dagskráin var á Miðfelli í Hrunamannahreppi og þar var ýtt úr vör sérstöku átaki UMFÍ sem ber heitið "Hættu að hanga! Komdu að hjóla, synda eða ganga!" Markmið þess er að fá fjölskyldur til að njóta íslenskrar náttúru og hollrar hreyfingar. Í ávarpi sínu þakkaði forseti UMFÍ fyrir forystu þess á undanförnum árum í að efla samvistir fjölskyldna, bæði með þessari herferð sem nú væri ýtt úr vör og unglingalandsmótunum sem haldin eru um verslunarmannahelgina.
|
01.06.2010
|
Forseti á fund með Ásmundi Friðrikssyni bæjarstjóra í Garði og þeim Mireyu Samper listamanni og Víði Árnasyni um verkefnið Ferskir vindar í Garði sem byggist á að nokkrir tugir listafólks víða að úr veröldinni taki að vetri til, í desember og janúar, þátt í víðtækri listasmiðju í Garðinum.
|
01.06.2010
|
Forseti á fund með forsvarsmönnum RES (Renewable Energy School) sem starfræktur er í samvinnu við Háskólann á Akureyri og Háskóla Íslands og fulltrúum þriggja póskra verkfræði- og tækniháskóla en þeir hafa sent nemendur til RES skólans og hafa áhuga á að efla þá samvinnu enn frekar.
|
30.05.2010
|
Forseti sækir um helgina húslestra á heimilum nokkurra rithöfunda en lestrarnir eru liður í Listahátíð í Reykjavík.
|
27.05.2010
|
Forseti er viðstaddur opnun Hönnunarsafns Íslands í Garðabæ og skoðar sýningarnar sem þar eru. Aðalsýningin ber heitið "Úr hafi til hönnunar" og sýnir ýmsa muni og tískuvörur sem hannaðar eru úr sjávarafurðum. Safnið verður í núverandi húsakynnum þar til sérstök bygging helguð safninu rís í Garðabæ.
|
27.05.2010
|
Forseti á fund með hagfræðingunum Charles Wyplosz, Alonso Perez Kakabadze og Ársæli Valfells um stöðu ýmissa mynta í veröldinni, reynslu Íslendinga af krónunni og stöðuna innan Evrusvæðisins sem og eðli gjaldeyrishafta og áhrifin af þeim en hinir erlendu hagfræðingar heimsækja Ísland til viðræðna við íslenskt fræðasamfélag á vegum Háskóla Íslands. |
27.05.2010
|
Forseti á fund með þýska listamanninum Gert Hof og áhugamönnum um að listamaðurinn lýsi upp eldfjall og jökul til að minna heimsbyggðina á bráðnun jökla, loftslagsbreytingar og kraftinn í náttúruöflunum. Slík lýsingarlistaverk Gerts Hof hafa notið mikillar frægðar á undanförnum árum. |
27.05.2010
|
Forseti á fund með Gissuri Guðmundssyni forseta Heimssambands matreiðslumanna og Helga Einarssyni um verkefni sambandsins en það lýtur nú forystu íslenskra matreiðslumanna sem kjörnir voru í stjórn þess á síðasta heimsþingi. |
25.05.2010
|
Forseti hefur sent samúðarkveðjur til forseta Indlands vegna flugslyssins í Mangalore. |
| 25.05.2010 |
Forseti er í viðtali við fréttamann rússnesku sjónvarpsstöðina TV Center í St. Pétursborg, Alexander Chizhenok, um viðbrögð Íslendinga við eldgosum, áhrif eldgosa á menningu og viðhorf sem og möguleika ferðaþjónustunnar á komandi árum. Auk þess var rætt um samvinnu Íslands og Rússlands á undanförnum áratugum, nauðsyn aukins samstarfs á norðurslóðum og um nýtingu hreinnar orku en miklar jarðhitaauðlindir eru í Rússlandi. |
| 21.05.2010 |
Forseti tekur á móti rúmlega 60 forystumönnum kanadískra fyrirtækja sem eru á Íslandi á vegum samtakanna World Presidents' Organization og ræðir við þá um áhrif fjármálakreppunnar á Íslandi, endurreisn efnahagslífsins, nýtingu hreinnar orku og tækifæri á nýrri öld. |
21.05.2010
|
Forseti er viðstaddur og flytur ávarp við opnun fyrsta gagnaversins á Íslandi sem Thor Data Center hefur stofnsett í Hafnarfirði. Fyrirtækið nýtir nýja tækni á þessu sviði, hina hreinu orku sem fæst á Íslandi og hagstæð skilyrði til loftkælingar vegna hitastigs og vinds á Íslandi. Jafnframt var undirritaður samningur við Opera Software sem felur Thor gagnaveri að varðveita gögn sín en Opera er meðal öflugustu fyrirtækja í Evrópu á sínu sviði. Í ávarpi sínu vék forseti að nauðsyn þess að tvinna saman nýtingu hreinnar orku og atvinnutækifæri sem upplýsingatæknin skapar. Ísland væri á margan hátt kjörinn staður fyrir gagnaver. Fyrir rúmum þremur árum hefðu slík gagnaver verið umræðuefni á fundi forseta með Bill Gates, stofnanda Microsoft, og nú væri hið nýja fyrirtæki í Hafnarfirði að sanna og sýna hvað hægt væri að gera. Kynslóð ungra frumkvöðla hefði sýnt forystu og þjóðinni nýjar leiðir í atvinnumálum. |
20.05.2010
|
Forseti á fund með Donald Martin og Anthony Miller sem vildu færa íslensku þjóðinni afsökunarkveðju frá Bretlandi vegna ákvarðana bresku ríkisstjórnarinnar haustið 2008 að beita hryðjuverkalögunum gegn Íslendingum. Þeir kynntu líka hugmyndir sínar um nauðsynlegar breytingar á bankakerfi, bæði í Bretlandi og á veraldarvísu, til að koma í veg fyrir að bankar yxu með óeðlilegum hætti og stefndu þannig hagsmunum almennings í hættu. Þeir hafa hitt fulltrúa ýmissa samtaka, alþingismenn og aðra, í heimsókn sinni til Íslands. Báðir hafa verið í forystusveit smærri fyrirtækja í Bretlandi. Fundinn sat einnig Gústaf Adolf Skúlason sem er formaður samtaka smáfyrirtækja í Svíþjóð.
|
20.05.2010
|
Forseti tekur þátt í fagnaðarhátíð forystusveitar íþróttahreyfingarinnar vegna kjörs Ólafs Rafnssonar, forseta ÍSÍ sem forseta körfuknattleikssambands Evrópu, FIBA. Forseti flutti ávarp þar sem hann óskaði Ólafi og íþróttahreyfingunni til hamingju með kjörið en það væri líka mikilvægt fyrir íslenska þjóð. Í því fælist viðurkenning á starfi íþróttahreyfingarinnar og hæfileikum Ólafs Rafnssonar en það væri jafnframt vitnisburður um hvernig grasrótarstarf þessarar fjöldahreyfingar gæti eflt forystumenn til trúnaðar á evrópskum vettvangi. Ólafur Rafnsson mun sem forseti FIBA jafnramt eiga sæti í stjórn heimssamtaka körfuknattleiksfélaga. |
18.05.2010
|
Forseti flytur setningarræðu á alþjóðlegri ráðstefnu í boði Norður-Suður stofnunarinnar (North-South Centre) sem starfar á vegum Evrópuráðsins. Ráðstefnan bar heitið The 21st Century: A Century of Global Interdependence and Solidarity og var haldin í ráðhúsi Lissabonborgar í Portúgal. Norður-Suður stofnunin var sett á laggirnar fyrir tuttugu árum á grundvelli samþykkta þings Evrópuráðsins, en Ólafur Ragnar Grímsson skipulagði fyrir hönd Evrópuráðsins viðamikla evrópskra þingmannaráðstefnu sem haldin var í Lissabon árið 1984 þar sem sú stefna var mótuð. Forsetanum var boðið að halda setningarræðu ráðstefnunnar m.a. vegna hlutverks hans í þessari stefnumótun. Fréttatilkynning. Ræða forseta. Myndir.
|
16.05.2010
|
Forseti heimsækir Vík í Mýrdal og bændur á þeim svæðum þar sem aska hefur fallið síðustu daga, kynnir sér hreinsunarstarf, ræðir við forsvarsmenn sveitarfélagsins og Almannavarna, slökkviliðsmenn frá ýmsum sveitarfélögum og aðra þátttakendur í hreinsunarstarfi. Einnig heimsækir forseti ýmsa sveitabæi í héraðinu þar sem mikið öskufall hefur orðið síðustu sólarhringana og ræðir við bændur um erfiðleika þeirra og viðbrögð við þessum hamförum. |
15.05.2010
|
Forseti ræðir við Ólaf Rafnsson forseta ÍSÍ og óskar honum til hamingju með glæsilegt kjör hans sem forseta Körfuknattleikssambands Evrópu, FIBA Europe. Kjörið er mikil viðurkenning fyrir Ólaf persónulega en jafnframt mikilvægur áfangi í íslenskri íþróttasögu og viðurkenning á starfi íþróttahreyfingarinnar á Íslandi. |
15.05.2010
|
Forseti tekur á móti um 70 börnum sem munu dvelja í sumarbúðum í fimmtán löndum á vegum Samtaka alþjóðlegra sumarbúða barna, CISV
|
14.05.2010
|
Forseti á fund með dr. Christian Ketels hagfræðingi við Harvard Business School, Hákoni Gunnarssyni og Þóru Margréti Þorgeirsdóttur um rannsóknarverkefni sem felur í sér kortlagningu allra þeirra sem koma að nýtingu jarðhita, tækniþróun og virkjunum á Íslandi og hvernig slík kortlagning getur nýst við þróun jarðhitanýtingar víða um heim. Ætlunin er að efna til alþjóðlegrar ráðstefnu um slíka orkuklasa á næsta ári.
|
| 13.05.2010 |
Forseti tekur á móti fjölmennri sveit listafólks sem tekur þátt í Listahátíð, bæði íslenskum listamönnum og listamönnum frá ýmsum þjóðlöndum, sem og forystumönnum Listahátíðar og erlendum blaðamönnum.
|
| 12.05.2010 |
Forseti er viðstaddur setningu Listahátíðar sem fram fer í Listasafni Reykjavíkur en forseti er verndari hátíðarinnar.
|
| 12.05.2010 |
Forseti á fund með forráðamönnum Íslensku sjávarútvegssýningarinnar sem haldin verður á næsta ári en hún hefur um langt árabil verið vettvangur til kynningar á tækni og skipulagi í sjávarútvegi. Sýningin hefur öðlast sess meðal virtustu alþjóðasýninga af þessu tagi. Skipuleggjendur hafa einnig áhuga á að efna til sýninga eða alþjóðlegs ráðstefnuhalds þar sem fjallað verður um árangur Íslendinga við nýtingu hreinnar orku og hvernig hann getur gagnast öðrum þjóðum
|
| 12.05.2010 |
Forseti tekur á móti David Ashby forystumanni í íslenska samfélaginu í Spænskum forki í Utah og öðrum fulltrúum mormónatrúboðsins á Íslandi. David Ashby afhenti forseta rit sem hann hefur tekið saman um fyrstu íslensku landnemana í Utah. Rætt var um starfsemi samfélagsins í Utah sem og viðfangsefni mormónakirkjunnar á Íslandi en David Ashby starfar um þessar mundir ásamt konu sinni við kirkju safnaðarins á Selfossi. |
11.05.2010
|
Forseti á fund með Georg Habsburg, formanni Rauða krossins í Ungverjalandi, og forystumönnum Rauða krossins á Íslandi um áhrif fjármálakreppunnar og þörfina fyrir félagslega aðstoð og samhjálp í Evrópu. Öll samtök Rauða krossins í Evrópu hafa dregið saman efni sem lýsir vaxandi þörf á samhjálp í álfunni. Þá var rætt um reynsluna af starfi Rauða krossins á Íslandi, einkum með tilliti til samhjálpar og náttúruhamfara. |
11.05.2010
|
Forseti á fund með fræðimanninum Muhammed Cetin sem er sérfræðingur í rannsóknum á trúarbrögðum og menningu og áhugamaður um auknar samræður fólks úr ólíkum menningarhópum og frá mismunandi trúarsamfélögum. Á fundinum voru einnig fulltrúar Menningarfélagsins Tyrkland-Ísland en dr. Cetin kemur til Íslands að frumkvæði þeirra og Háskóla Íslands.
|
10.05.2010
|
Forseti heimsækir Lýsi hf. ásamt forystumönnum Útflutningsráðs og dómnefnd Útflutningsverðlaunanna en Lýsi hlaut þau árið 2007. Forstjóri fyrirtækisins Katrín Pétursdóttir kynnti þróun þess á undanförum árum, mikinn vöxt og fjölbreytta framleiðslu. Þá skoðuðu forseti og fylgdarlið verksmiðjuna og ræddu við starfsfólk. |
07.05.2010
|
Forseti flytur ávarp á hátíð í tilefni af þriggja ára afmæli Keilis, miðstöðvar vísinda, fræða og atvinnulífs á Ásbrú, fyrrum svæði bandaríska hersins. Aðilar að Keili eru m.a. Háskóli Íslands, Þróunarfélag Keflavíkurflugvallar, rannsóknarstofnanir, sveitarfélög og orkufyrirtæki. Ávarp forseta.
|
06.05.2010
|
Forseta eru kynntar hugmyndir um nýtt og víðtækt upplýsingakerfi sem hefur að markmiði að laða aukinn fjölda ferðamanna til Íslands. |
06.05.2010
|
Forseti ræðir við hóp áhugamanna um aukna nýtingu hreinnar orku á norðurslóðum. |
04.05.2010
|
Forseti ræðir við breska og íslenska stjórnmálafræðinga sem vinna við rannsókn á bankahruninu, fjármálakerfinu og samspili við stjórnkerfi og samfélag. Verkefnið verður kynnt á alþjóðlegu fræðaþingi síðar á þessu ári. |
28.04.2010
|
Forseti hlýðir á umræður í málstofu á Heimsþingi um jarðhita þar sem fjallað var um tækifæri í nýtingu jarðhita á 21. öld. Fjallað var um hvernig jarðhiti getur orðið veigamikill þáttur í orkukerfi nýrrar aldar í öllum heimsálfum og kynntar áætlanir sem sýna enn meiri framleiðslugetu á grundvelli jarðhita en áður var gert ráð fyrir. Guðni Jóhannesson orkumálastjóri var meðal frummælenda í málstofunni og lýsti samstarfi stjórnvalda á Íslandi, í Bandaríkjunum og í Ástralíu í þróun nýrrar jarðhitatækni. Niðurstöður frummælenda um tækifæri í jarðhitanýtingu voru hliðstæðar þeirri sýn sem lýst var í ræðu forseta á opnun Heimsþingsins. Vefsíða þingsins. |
27.04.2010
|
Forseti sækir ýmsar málstofur á heimsþingi um jarðhita sem haldið er á Bali á Indónesíu. Þá sótti forseti móttöku sem Útflutningsráð Íslands bauð til í samvinnu við íslensk verkfræði- og jarðhitafyrirtæki. Móttakan var haldin í sýningaraðstöðu þessara íslensku aðila á þinginu. Þá flutti forseti ávarp á samkomu sem Jarðhitaskóli Sameinuðu þjóðanna efndi til og sótt var af um 100 sérfræðingum og vísindamönnum sem stundað hafa nám við skólann á Íslandi. Þá ræddi forseti við alþjóðlegu sjónvarpsstöðina BBC World News um árangur Íslendinga á sviði jarðhita.
|
| 26.04.2010 |
Forseti flytur ræðu við setningu Heimsþings um jarðhita (World Geothermal Congress) sem haldið er á Bali í Indónesíu en slík þing eru á fimm ára fresti. Susilo Bambang Yudhoyono forseti Indónesíu flutti einnig ræðu við setninguna en áður höfðu forsetarnir átt árangursríkan fund um samvinnu Íslands og Indónesíu þar sem einkum var lögð áhersla á jarðhita og framtíðarmöguleika hans á heimsvísu sem og samvinnu á sviði sjávarútvegs. Alþjóðasamtök um jarðhita (International Geothermal Association) buðu forseta Íslands að sækja þingið og flytja ræðu við setninguna. Fréttatilkynning. Myndir. |
| 24.04.2010 |
Forseti er í viðtali við helgarblað DV um gosið í Eyjafjallajökli, viðbrögð við því og samstöðu með íbúunum sem og hugsanlegt Kötlugos. |
21.04.2010
|
Forseti ræðir við Philip Sherwell fréttamann Sunday Telegraph í Bretlandi og Sally Magnusson þáttastjórnanda hjá bresku sjónvarpsstöðinni BBC í Skotlandi. |
21.04.2010
|
Forseti heimsækir stjórnstöð Almannavarna og fræðist um þróun eldgossins í Eyjafjallajökli, viðbrögð og starfsemi ýmissa aðila og samtaka sem koma að Almannavörnum, samvinnu íslenskra vísindamanna og stofnana á þessu sviði við alþjóðasamfélagið og horfurnar í þróun eldgossins.
|
21.04.2010
|
Forseti sækir skátaguðþjónustu í Hallgrímskirkju í tilefni sumardagsins fyrsta. |
21.04.2010
|
Forseti ræðir við bandarísku sjónvarpsstöðina CNBC sem sjónvarpar víða um heim, alþjóðlega útgáfu sjónvarpsstöðvarinnar Al Jazeera og fréttaritara þýsku sjónvarpsstöðvanna RTL, NTV og Vox um viðbrögð við gosinu í Eyjafjallajökli, tækifæri ferðaþjónustunnar á komandi mánuðum og árum og þá lærdóma sem draga má af hamförum náttúrunnar sem og viðbragðsáætlanir. Auk þess ræddi forseti við CNBC um endurreisn íslensks efnahagslífs í ljósi nýrrar álitsgerðar Alþjóða gjaldeyrissjóðsins. Viðtal á CNBC. |
| 20.04.2010 |
Forseti er í viðtali við ýmsa þætti á alþjóðlegu útvarpsstöðinni BBC World Service, bresku útvarpsstöðina BBC5, BBC Washington, bandarísku sjónvarpsstöðvarnar NBC og Fox, írsku sjónvarpsstöðina RTE og íslenskar útvarps- og sjónvarpsstöðvar um eldgosið í Eyjafjallajökli, viðbrögð almannavarna og íbúa, einkum bænda; daglegt líf þjóðarinnar og þá samstöðu sem einkennt hefur aðgerðir á svæðinu sem og þá erfiðleika sem skapast hafa í Evrópu og annars staðar í veröldinni. Viðtal á BBC World News America (Matt Frei). Viðtal hjá BBC (Lorna Gordon). Viðtal hjá PRI (The World). Viðtal hjá NBC. |
| 20.04.2010 |
Forseti afhendir Útflutningsverðlaun forseta Íslands við hátíðlega athöfn á Bessastöðum. Hugbúnaðarfyrirtækið CCP hlaut verðlaunin og veitti Hilmar Veigar Pétursson forstjóri þeim viðtöku fyrir hönd fyrirtækisins. Vefur Útflutningsráðs.
|
20.04.2010
|
Forseti á fund með sendiherra Pakistans á Íslandi, hr. Rab Nawaz Khan, sem senn lætur af störfum. Rætt var um þróun mála í Pakistan og sambúðina við nágrannaríkin Afganistan og Indland, baráttuna gegn hryðjuverkaöflum og breytingar á stjórnkerfi landsins. |
| 19.04.2010 |
Forseti er í viðtali í fréttaþættinum Newsnight á BBC2 þar sem hann ræðir við Jeremy Paxman um afleiðingar gossins í Eyjafjallajökli, bæði á Íslandi og annars staðar í Evrópu sem og víðar um heim; nauðsyn þess að stjórnvöld og flugmálayfirvöld vinni viðbragðsáætlanir vegna áhrifa gosa í framtíðinni á alþjóðlegar flugsamgöngur, einkum með tilliti til hugsanlegs Kötlugoss. |
| 19.04.2010 |
Forseti á fund með Ólafi Rafnssyni forseta ÍSÍ og Líney Halldórsdóttur framkvæmdastjóra ÍSÍ um malefni
íþróttahreyfingarinnar, þátttöku í Ólympíuleikunum 2012 og Smáþjóðaleikunum 2011. |
18.04.2010
|
Forseti heimsækir hamfarasvæðið á Suðurlandi og ræðir við stjórnendur almannavarna og hjálparsveita: sýslumann, lögreglu, fulltrúa Slysavarnafélagsins Landsbjargar og Rauða krossins. Forseti sat fundi í stjórnstöðvunum á Hellu og Hvolsvelli, kynnti sér afleiðingar öskufalls á sveitabæjum og ræddi við ýmsa erlenda fjölmiðla. |
17.04.2010
|
Forseti er viðstaddur minningarathöfn í katólsku kirkjunni um forseta Póllands Lech Kaczynski, Maríu Kaczynski forsetafrú og aðra þá sem létust í flugslysinu í Smolensk. Minningarathöfnin var á vegum pólska samfélagsins á Íslandi. |
15.04.2010
|
Forseti er viðstaddur setningu alþjóðlegrar ráðstefnu, Varðveisla framtíðar: Sjálfbærni tungumáls, menningar og náttúru, sem haldin er af Háskóla Íslands í tilefni af 80 ára afmæli Vigdísar Finnbogadóttur. Martti Ahtisaari fyrrverandi forseti Finnlands og handhafi friðarverðlauna Nóbels flutti upphafsfyrirlestur ráðstefnunnar í hátíðarsal Háskólans. |
15.04.2010
|
Forseti er viðstaddur afmælishátíð til heiðurs Vigdísi Finnbogadóttur sem haldin er í Háskólabíói. |
| 14.04.2010 |
Forseti á fund með Martti Ahtisaari fyrrverandi forseta Finnlands og handhafa friðarverðlauna Nóbels sem kominn er til Íslands vegna ráðstefnu sem haldin er í tilefni af afmæli Vigdísar Finnbogadóttur. |
| 14.04.2010 |
Forseti ræðir við Útvarp Sögu, síðdegisútvarp Rásar 2, Ríkissjónvarpið, Skjáinn og Morgunblaðið um skýrslu rannsóknarnefndar Alþingis um hrun bankakerfisins og skýrslu nefndar um starfshætti og siðferði.Viðtöl í síðdegisútvarpi Rásar 2 og Ríkissjónvarpinu. Frétt Morgunblaðsins. Viðtal á Skjá einum. Umfjöllun á Pressunni. |
| 14.04.2010 |
Forseti flytur ræðu við setningu ráðstefnu norrænna bankastarfsmanna, Nordic Financial Unions. Á ráðstefnunni er fjallað um bankakreppuna víða um veröld, þá lærdóma sem draga má af henni og breytingar sem þurfa að verða á starfsháttum og regluverki. Ræða forseta. |
10.04.2010
|
Forseti er viðstaddur Söngkeppni framhaldsskólanna sem fram fór í Íþróttahöllinni á Akureyri og var sjónvarpað á Stöð 2. Forseti tilkynnti úrslitin í keppninni en hún var nú haldin í tuttugasta sinn. Í keppninni tóku þátt fulltrúar um þrjátíu framhaldsskóla víða á landinu og bar Borgarholtsskóli sigur úr býtum. |
10.04.2010
|
Forseti sendir Bronisław Komorowski, forseta pólska þingsins og starfandi forseta landsins, samúðarkveðjur Íslendinga til pólsku þjóðarinnar vegna hins hörmulega flugslyss þar sem Lech Kaczyński forseti Póllands, Maria Kaczyński eiginkona hans og fjölmargir aðrir forystumenn landsins og nánir samverkamenn forsetans létu lífið. Sjá fréttatilkynningu.
|
| 09.04.2010 |
Forseti sækir tónleika til heiðurs Jóni Nordal tónskáldi sem nýlega hlaut heiðursverðlaun Íslensku tónlistarverðlaunanna. Á tónleikunum flytur Sinfóníuhljómsveit Íslands eitt af helstu verkum Jóns
Adagio auk þess sem flutt verða verk eftir fleiri íslensk tónskáld. |
| 09.04.2010 |
Forseti á fund með forsvarsmönnum Garðarshólmsverkefnisins á Húsavík. Að undanförnu hafa hugmyndir um verkefnið verið ræddar við stofnanir og sérfræðinga víða um heim og lagður grundvöllur að víðtækri samvinnu um framkvæmd þess. Í tengslum við opnun Garðarshólms er rætt um siglingu flota gamalla skipa frá Norðurlöndum til Húsavíkur. |
08.04.2010
|
Forseti á fund með Sigríði Gunnarsdóttur listfræðingi um myndlistarsafn Fjallabyggðar, verk Höllu Har og ritgerð um nokkra af frumkvöðlunum í íslenskri málaralist. |
08.04.2010
|
Forseti ræðir við undirbúningshóp orkuráðstefnu sem haldin verður í tengslum við Íslandsdaga á heimssýningunni í Shanghai í september. Á ráðstefnunni verður kynntur árangur Íslendinga í nýtingu hreinnar orku og hvernig aðrar þjóðir, sérstaklega Kína og þróunarríki, geta nýtt sér hann. |
08.04.2010
|
Forseti ræðir við fulltrúa Íslensku leiðarinnar, tímarits stjórnmálafræðinema við Háskóla Íslands. Rætt var um upphaf og þróun stjórnmálafræðinnar á Íslandi, hlutverk fræðigreinarinnar á komandi tímum, stjórnskipun landsins og stöðu forsetaembættisins innan hennar. Viðtalið mun birtast í næsta tölublaði tímaritsins. |
07.04.2010
|
Forseti á fund með sendiherra Rússlands á Íslandi Andrey Vasilyevich Tsyganov um fyrirhugaða þátttöku forseta í ráðstefnu um norðurslóðir sem haldin verður í Moskvu síðar í þessum mánuði. |
31.03.2010
|
Forseti sendir Dimitry Medvedev forseta Rússlands samúðarkveðjur sínar og íslensku þjóðarinnar vegna hryðjuverkaárásarinnar í Moskvu. Fréttatilkynning.
|
25.03.2010
|
Forseti ræðir við sérfræðinga og skipuleggjendur alþjóðlegrar ráðstefnu um nýsköpun, hugvit og græna orku. Rætt var um árangur Íslendinga á undanförnum áratugum og á hvaða sviðum framlag landsins á alþjóðavettvangi geti helst orðið. |
25.03.2010
|
Forseti á fund með kínverskri sendinefnd sem kynnir sér hreina orku, stöðu Íslands og árangur landsins á ýmsum sviðum.
|
24.03.2010
|
Forseti flytur ávarp við upphaf alþjóðlegrar ráðstefnu um nýsköpun, hugvit og græna orku sem haldin er í Háskólanum í Reykjavík í samvinnu við bandaríska háskólann MIT og Nýsköpunar- og frumkvöðlasetrið Innovit. Ráðstefnan ber heitið MIT Global Startup Workshop og sækja hana um 370 manns frá mörgum löndum. Ávarp forseta.
|
23.03.2010
|
Forseti er viðstaddur lokaathöfn Stóru upplestrarkeppninnar í Hafnarfirði og afhendir keppendum frá skólum í Hafnarfirði og á Álftanesi viðurkenningar fyrir þátttökuna. |
| 23.03.2010 |
Forseti á fund með nýjum sendiherra Rússlands á Íslandi Andrey Vasilyevich Tsyganov sem afhenti trúnaðarbréf sitt á Bessastöðum. Rætt var um farsæla samvinnu landanna um langt árabil, aukið mikilvægi norðurslóða, möguleika á auknu samstarfi á sviði menningar og lista sem og aðra þætti í samstarfi landanna. Mynd.
|
| 23.03.2010 |
Forseti á fund með Lassi Heininen, Þorsteini Gunnarssyni og Dagfinni Sveinbjörnssyni um Rannsóknarþing norðursins sem haldið verður í Noregi í október en það ber heitið Our Ice-Dependent World. |
| 23.03.2010 |
Forseti á fund með Davíð Stefánssyni og Þorsteini Gunnarssyni um málefni RES orkuskólans og þróun hans. Skólinn hefur á fáum árum orðið öflugur vettvangur til að mennta fólk víða að úr veröldinni á sviði hreinnar orku. |
23.03.2010
|
Forseti tekur á móti hópi heyrnarskertra eldri borgara og kynnir þeim sögu Bessastaða. |
| 22.03.2010 |
Forseti á fund með rektor Háskóla Íslands Kristínu Ingólfsdóttur og formanni afmælisnefndar Guðrúnu Nordal til að ræða viðburði í tilefni af aldarafmæli Háskóla Íslands 2011. |
21.03.2010
|
Forseti tekur á móti fulltrúum hinna ýmsu greina sem aðild eiga að HönnunarMarsi og fjölmiðlafólki frá ýmsum löndum. |
21.03.2010
|
Forseti afhendir Ásgeirsbikarinn en hann er veittur árlega fyrir mesta afrek sem unnið er í sundi. Forseti gaf bikarinn til minningar um Ásgeir Ásgeirsson forseta Íslands sem var mikill hvatamaður og áhugamaður um sundíþróttina.
|
19.03.2010
|
Forseti tekur á móti hópi AFS skiptinema sem dvelja á Íslandi en þeir eru frá átján löndum.
|
19.03.2010
|
Forseti ræðir við fréttamann kínversku sjónvarspsstöðvarinnar CCTV-Channel 2 um þátttöku Íslands í Heimssýningunni í Shanghai og um áherslur landsins: Hrein orka, heilbrigði, náttúrufegurð og hönnun. Forseti mun taka þátt í Íslandsdeginum á Heimssýningunni í september. |
| 18.03.2010 |
Forseti er viðstaddur hátíðartónleika Sinfóníuhljómsveitar Íslands í tilefni af sextugsafmæli hljómsveitarinnar. Ávarp forseta í dagskrá. |
18.03.2010
|
Forseti er viðstaddur setningu HönnunarMars 2010 í Listasafni Reykjavíkur en fjölþætt dagskrá verður næstu daga. |
| 18.03.2010 |
Forseti er viðstaddur hátíðardagskrá í tilefni af 250 ára afmæli Landlæknisembættisins. Athöfnin fór fram í hátíðarsal Háskóla Íslands og var efnt til hennar í samvinnu við Félag áhugamanna um sögu læknisfræðinnar og Læknaminjasafnið. |
18.03.2010
|
Forseti tekur á móti landlækni og starfsliði Landslæknisembættisins í tilefni af því að í dag eru 250 ár liðin frá stofnun embættisins en fyrsti landlæknirinn Bjarni Pálsson var um hríð á Bessastöðum. Rætt var um sögu Landlæknisembættisins og breytingar á íslenskri heilbrigðisþjónustu. |
17.03.2010
|
Forseti á fund með Þorsteini Gunnarssyni og Lassi Heininen um sjötta Rannsóknarþing Norðursins sem haldið verður í Noregi í október. Heiti þingsins er "Our Ice Dependent World" og mun fjöldi fræðimanna, forystumanna á alþjóðavettvangi og áhrifamenn frá þeim átta löndum sem liggja að Norðurskautinu taka þátt í þinginu. |
17.03.2010
|
Forseti á fund með forystumönnum JC hreyfingarinnar um starfsemi hennar á Íslandi og á alþjóðavettvangi, |
16.03.2010
|
Forseti á fund með fulltrúum bandarískra fyrirtækja sem kanna möguleika á að koma á fót gagnaverum og tæknigörðum í upplýsingaiðnaði sem nýta myndu raforku framleidda með jarðhita.
|
14.03.2010
|
Forseti ræðir við hóp franskra blaðamanna sem heimsækja Ísland til að kynna sér land og þjóð og framleiðslu á heilsuvörum.
|
| 13.03.2010 |
Forseti er viðstaddur afhendingu Íslensku tónlistarveðlaunanna sem fram fer við hátíðlega athöfn í Óperunni. |
| 13.03.2010 |
Forseti kynnir forseta Maldíveyja Mohamed Nasheed í upphafi fyrirlestrar sem hann heldur í boði Háskóla Íslands og forseta. Efni fyrirlestursins er loftslagsbreytingar og baráttan gegn þeim. |
| 13.03.2010 |
Forseti tekur þátt í kynningarfundi sem haldinn er fyrir forseta Maldíveyja Mohamed Nasheed í Öskju, náttúrufræðihúsi Háskóla Íslands. Þar kynntu vísindamenn rannsóknir á jöklum á Íslandi og á Grænlandi sem og rannsóknir á hafstraumum í Norður Atlantshafi. |
| 13.03.2010 |
Forseti tekur þátt í kynningarfundi fyrir forseta Maldíveyja Mohamed Nasheed þar sem fjallað er um íslenskan sjávarútveg og hafrannsóknir. Á fundinum fluttu erindi og svöruðu fyrirspurnum stjórnendur Hafrannsóknarstofnunar, Fiskistofu og Sjávarútvegsháskóla Sameinuðu þjóðanna. |
| 12.03.2010 |
Forseti tekur þátt í heimsókn forseta Maldíveyja, Mohameds Nasheed til fyrirtækisins TrackWell sem sérhæfir sig í þróun upplýsingatækni. Fyrirtækið hefur hannað eftirlitskerfi með túnfiskveiðum á Maldíveyjum, þar sem boð um ferðir veiðiskipanna eru send um gervihnetti til aðalstöðva fyrirtækisins á Íslandi. Þannig er fylgst með veiðum á Maldíveyjum sérhverja klukkustund alla daga ársins. Rætt um framlag upplýsingatækni til þróunar sjálfbærs sjávarútvegs. |
| 12.03.2010 |
Forseti tekur þátt í kynningarfundi um nýtingu jarðhita sem haldinn er í Hellisheiðarvirkjun fyrir forseta Maldíveyja Mohamed Nasheed og fylgdarlið hans. Þar var fjallað um þróun Orkuveitu Reykjavíkur, möguleika á nýtingu jarðhita á Maldíveyjum, bindingu kolefnis og starfsemi Jarðhitaskóla Sameinuðu þjóðanna. |
| 12.03.2010 |
Forseti á fund með Mohamed Nasheed forseta Maldíveyja sem er í heimsókn á Íslandi. Rætt var um samvinnu landanna á sviði sjávarútvegs og orkumála sem og nauðsyn þess að efla baráttuna gegn loftslagsbreytingum. Ísland og Maldíveyjar fela í sér mikinn efnivið í slíka baráttu. Bráðnun jökla á Íslandi og norðurslóðum og hækkun sjávarborðs á Maldíveyjum sýna hvernig örlög veraldar eru nú samtvinnuð.
Nýting Íslendinga á hreinni orku í stað olíu og kola sannar að hægt er að breyta orkukerfi þjóða og draga þannig úr hættunni á loftslagsbreytingum. Þá var rætt um skipulag sjávarútvegs á Íslandi og tækniþróun á því sviði og hvernig það getur nýst Maldíveyjum. Þá lagði forseti Maldíveyja til að hann og forseti Íslands myndu í sameiningu hvetja aðrar þjóðir til að grípa til raunhæfra aðgerða í baráttunni geng loftslagsbreytinum. |
| 11.03.2010 |
Forseti afhendir Samfélagsverðlaun Fréttablaðsins en þau eru veitt í fjórum flokkum auk heiðursverðlauna. Flokkarnir eru: Hvunndagshetjan, Frá kynslóð til kynslóðar, Til atlögu gegn fordómum og Samfélagsverðlaunin. Athöfnin fer fram í Þjóðmenningarhúsinu. |
10.03.2010
|
Forseti afhendir heiðursverðlaun Menningarverðlauna DV fyrir árið 2009 við hátíðlega athöfn í Iðnó. Verðlaunin hlaut Jórunn Viðar tónskáld og flutti forseti stutt ávarp um störf hennar og tónsmíðar, framlag til íslenskrar tónlistar í meira en hálfa öld. |
08.03.2010
|
Forseti ræðir við fréttamann japanska stórblaðsins Nikkei um þjóðaratkvæðagreiðsluna, lærdómana sem draga má af henni og stöðu Icesave málsins, bæði frá sjónarhóli viðsemjenda og í alþjóðlegu samhengi |
07.03.2010
|
Forseti ræðir við BBC World Service í umræðuþætti um heimsmálin, er í viðtali við BBC TV News og ræðir síðdegis við fréttamann BBC World Service News and Current Affairs. Þá ræðir forseti einnig við blaðamann Financial Times, þýsku sjónvarpsstöðvarinnar ARD og fréttamann frá alþjóðlegu fréttastofunni Ritzau sem og við Ríkissjónvarpið. |
06.03.2010
|
Forseti ræðir við Joseph Melillio leikhúsfrömuð frá New York og fulltrúa Vesturports um íslenskt leikhús í alþjóðlegu ljósi, framlag þess til nýsköpunar í leikhúsi og einstakar sýningar eins og Rómeó og Júlíu, Hamskiptin og Fást. |
06.03.2010
|
Forseti ræðir í beinni útsendingu við þrjár útvarpsstöðvar BBC, BBC5, Today's Program á BBC4 og BBC World Service. Þá ræddi forseti við norska og hollenska blaðamenn, Al Jazeera sjónvarpsstöðina, AFP fréttastofuna og öðru sinni við Bloomberg sjónvarpsstöðina. Loks ræddi forseti við Ríkisútvarpið og Stöð 2/Bylgjuna. Hlusta á viðtal við Ríkisútvarpið á vef RÚV. |
05.03.2010
|
Forseti tekur á móti hópi stúdenta í verkefninu IceMUN þar sem þeir kynna sér starfsemi Öryggisráðs Sameinuðu þjóðanna með því að gegna hlutverkum ýmissa ríkja sem sitja í ráðinu. Rætt var um þróun Öryggisráðsins og ýmis vandamál sem það tekur til meðferðar sem og lærdómana af baráttu Íslands fyrir sæti í ráðinu.
|
05.03.2010
|
Forseti ræðir við erlenda fjölmiðla um þjóðaratkvæðagreiðsluna og stöðuna í viðræðum Íslendinga við Breta og Hollendinga: Hollenska fréttaþáttinn Nova og hollenska ríkissjónvarpið, Bloomberg sjónvarpsstöðina, BBC sjónvarp og Richard Quest á alþjóðarás CNN. |
04.03.2010
|
Forseti afhendir Stjórnunarverðlaun Stjórnvísi við hátíðlega athöfn en um fimmtíu stjórnendur hafa verið tilnefndir til verðlaunanna. Nánar, sjá stjornvisi.is. |
04.03.2010
|
Forseti á fund með prófessor Kevin L. Keller, sérfræðingi í markaðsmálum, og forystumönnum ÍMARKS, félags markaðsfólks á Íslandi, um áherslur í landkynningu og sérstöðu Íslands, bæði í nútíð og framtíð. |
| 02.03.2010 |
Forseti afhendir Nýsköpunarverðlaun á Bessastöðum.
Markmið verðlaunanna er að heiðra námsmenn sem unnið hafa framúrskarandi starf við úrlausn verkefna sem styrkt eru af Nýsköpunarsjóði námsmanna.
Fimm verkefni eru tilnefnd til verðlaunanna í ár. Verðlaunin hlýtur Ásgeir Bjarnason fyrir verkefnið Súrefnismettunar- og hjartsláttarnemi. Fréttatilkynning |
02.03.2010
|
Forseti á fund með nýjum sendiherra Alsírs hr. Fatah Mahraz sem afhenti trúnaðarbréf sitt á Bessastöðum. Rætt var um nýtingu jarðhita í Alsír og nauðsyn þess að gera áætlun um slíka þróun, hvernig íslenskir sérfræðingar og verkfræðifyrirtæki geti tekið þátt í þróun byggðar sem tekur mið af vörnum gegn jarðskjálftum. Einnig var fjallað um deildir Háskóla Sameinuðu þjóðanna á Íslandi á sviði jarðhita, fiskveiða og landgræðslu. Mynd |
01.03.2010
|
Forseti sendir forseta Chile, Michelle Bachelet, samúðarkveðjur sínar og íslensku þjóðinnar vegna jarðskjálftanna í landinu. Fréttatilkynning.
|
28.02.2010
|
Forseti er viðstaddur setningu Búnaðarþings. Þar fluttu ræður Haraldur Benediktsson formaður Bændasamtaka Íslands og Jón Bjarnason sjávarútvegs- og landbúnaðarráðherra. Einnig voru veitt Landbúnaðarverðlaun. Kjörorð Búnaðarþings er "Aftur kemur vor í dal". |
27.02.2010
|
Forseti er viðstaddur þegar Edduverðlaunin eru afhent en þau eru heiðursverðlaun Íslensku kvikmynda- og sjónvarpsakademíunnar. Sjónvarpað er frá athöfninni. |
27.02.2010
|
Forseti er viðstaddur brautskráningu stúdenta við Háskóla Íslands. Um 480 stúdentar voru brautskráðir frá öllum deildum háskólans. |
| 25.02.2010 |
Forseti er viðstaddur minningarathöfn um Neil Bardal, fyrrum aðalræðismann Íslands í Winnipeg. Minningarathöfnin er í Þjóðmenningarhúsinu. |
| 25.02.2010 |
Forseti sækir frumsýningu á frumsömdum rokksöngleik sem leikfélag Fjölbrautaskóla Garðabæjar setur upp. Rokksöngleikurinn ber heitið Déjà Vu og sömdu nemendur verkið en sýningin er á vegum leikfélags skólans Verðandi. |
| 24.02.2010 |
Forseti og forsetafrú heimsækja Norðlingaskóla í Reykjavík. Norðlingaskóli hlaut Íslensku menntaverðlaunin árið 2009 í flokki skóla sem sinnt hafa vel nýsköpun í fræðslustarfi.
Fulltrúar nemenda, skólastjórnendur og kennarar Norðlingaskóla taka á móti forsetahjónunum í Björnslundi, útiskólastofu skólans þar sem boðið er upp á skógarkakó og flatkökur. Í kjölfarið heimsækja forsetahjón kennslustofur, kynna sér kennsluhætti og aðbúnað, viðhorf nemenda og starfsfólks. Farið er m.a. í leikhússmiðju, ritunarsmiðju og rúmfræðismiðju. Myndir
Umsögn dómnefndar. Fréttatilkynning
|
| 23.02.2010 |
Forseti á fund með nýjum sendiherra Afganistans frú Manizha Bakhtari sem afhenti trúnaðarbréf sitt á Bessastöðum. Rætt var um stöðuna í Afganistan, baráttuna við Talibana, þróunina frá síðustu kosningum og þátttöku alþjóðasamfélagsins í endurreisn og uppbyggingu. Mynd |
| 23.02.2010 |
Forseti á fund með nýjum sendiherra Króatíu hr. Ladislav Pivcevic sem afhenti trúnaðarbréf sitt á Bessastöðum. Rætt var um þróun mála í Króatíu, glímuna við margvíslega erfiðleika og samskipti við Evrópusambandið, svo og möguleika á aukinni samvinnu Íslands og Króatíu á sviði menningarmála. Mynd |
| 22.02.2010 |
Forseti situr kvöldverð í boði sendiherra Indlands á Íslandi, Sivaraman Swaminathan, þar sem rætt var um árangur af ferð forseta til Indlands í janúarmánuði og hvernig ýmis samstarfsverkefni verði þróuð á næstunni. |
22.02.2010
|
Forseti sendir samúðarkveðjur til forseta Portúgals vegna hinna hörmulegu náttúruhamfara á Madeira þar sem tugir manna hafa látið lífið. Fréttatilkynning.
|
19.02.2010
|
Forseti var heiðursgestur á árshátíð Politica, félags stúdenta í stjórnmálafræði við Háskóla Íslands en í ár eru 40 ár liðin síðan kennsla hófst í stjórnmálafræði við skólann og forseti tók doktorspróf í greininnni. Forseti flutti ávarp og tók við viðurkenningu félagsins. |
19.02.2010
|
Forseti afhendir Steinsteypuverðlaunin á málþingi sem helgað er steinsteypudeginum. Verðlaunin eru veitt til að vekja athygli á frumlegri hönnun og til að efla samvinnu arkitekta og verkfræðinga á sviði steinsteyptra mannvirkja svo og að stuðla að framsæknu viðhorfi í íslenskum byggingariðnaði. Í dómnefnd verðlaunanna eru fulltrúar frá Steinsteypufélagi Íslands, Verkfræðingafélagi Íslands, Listaháskóla Íslands, Arkitektafélagi íslands og Nýsköpunarmiðstöð Íslands. |
18.02.2010
|
Forseti ræðir við hóp norrænna laganema sem eru á Íslandi á vegum Orators, félags laganema við Háskóla Íslands, um stjórnskipun landsins og forsetaembættið.
|
18.02.2010
|
Forseti á viðræður við Skúla Barker sem færði forseta að gjöf bókina Tragedy and Hope eftir bandaríska sagnfræðinginn Carroll Quigley.
|
18.02.2010
|
Forseti tekur á móti hópi nemenda í sögu frá Fjölbrautaskóla Suðurnesja og ræðir við þá um sögu Bessastaða og forsetaembættið.
|
17.02.2010
|
Forseti sækir frumsýningu Menntaskólans við Sund á leikritinu Aladdin sem fram fór í Norðurpólnum, nýrri listamiðstöð í gamalli verksmiðju á Seltjarnarnesi.
|
| 16.02.2010 |
Forseti á fund með nýjum sendiherra Makedóníu frú Marija Efremova sem afhenti trúnaðarbréf sitt á Bessastöðum. Rætt var um áhuga Makedóníumanna á aðild að Atlantshafsbandalaginu og Evrópusambandinu, þörfina á lausn deilumála við Grikkland sem og ýmsa möguleika í aukinni samvinnu Íslands og Makedóníu. Mynd |
16.02.2010
|
Forseti á fund með nýjum sendiherra Venesúela hr. Jose de Jesus Sojo Reyes sem afhenti trúnaðarbréf sitt á Bessastöðum. Rætt var um þróun orkumála í veröldinni, hvernig olíuríki eins og Venesúela leggja aukna áherslu á verkefni á sviði endurnýjanlegrar orku en vatnsorka er nýtt á öflugan hátt í Venesúela. Rætt var um möguleika á samvinnu við íslenska verkfræðinga og orkufyrirtæki, einnig á sviði jarðhita. Þá var og rætt um tækifæri til aukinnar samvinnu á sviði menningar og lista, m.a. með þátttöku í listahátíðum, bókmenntahátíðum og kvikmyndahátíðum. Mynd |
16.02.2010
|
Forseti á fund með nýjum sendiherra Bangladess á Íslandi hr. Imtiaz Ahmed sem afhenti trúnaðarbréf sitt á Bessastöðum. Rætt var um þróun stjórnarfars í Bangladess, verkefni nýrrar lýðræðislega kjörinnar stjórnar, áherslur á fæðuöryggi og hvernig hækkun sjávarborðs vegna loftslagsbreytinga ógnar öryggi og lífsháttum í Bangladess. Mynd |
15.02.2010
|
Eyrarrósin, sérstök viðurkenning fyrir framúrskarandi menningarverkefni á landsbyggðinni, var afhent á Bessastöðum. Verndari Eyrarrósarinnar er Dorrit Moussaieff forsetafrú og var það hún sem afhenti viðurkenninguna og verðlaunagripinn. Að þessu sinni var það tónlistarhátíðin Bræðslan sem hlaut Eyrarrósina. Myndir.
|
15.02.2010
|
Forseti ýtir úr vör söfnun ABC-barnahjálpar með því að taka á móti fjörutíu grunnskólabörnum úr Álftanesskóla sem eru fulltrúar þeirra barna sem munu á næstu dögum og vikum safna fé til hjálpar börnum á Indlandi og Burkina Faso. Söfnunin ber heitið Börn hjálpa börnum og verður söfnunarfénu varið til að byggja skóla á Indlandi sem þjóna mun 250 börnum í Tamil Nadu og til að safna fyrir 150 sólarofnum fyrir fátækar fjölskyldur í Burkina Faso en þeir ofnar munu bæði spara tíma og peninga, draga úr óæskilegu skógarhöggi og jarðvegseyðingu og gera íbúunum kleift að nýta sólarorku á nýjan hátt.
|
11.02.2010
|
Forseti sækir afmælishátíð Félags heyrnarlausra í tilefni af fimmtíu ára afmæli félagsins. Forseti tekur við fyrsta eintakinu af bókinni Saga heyrnarlausra á Íslandi og flytur ávarp. Ávarp forseta.
|
10.02.2010
|
Forseti afhendir Íslensku bókmenntaverðlaunin við hátíðlega athöfn á Bessastöðum. Í flokki fagurbókmennta hlaut þau Guðmundur Óskarsson fyrir skáldsöguna Bankster. Í flokki fræðirita og rita almenns efnis hlaut verðlaunin Helgi Björnsson fyrir ritið Jöklar á íslandi. |
| 09.02.2010 |
Forseti tekur á móti hópi einhverfra barna á Bessastöðum og fylgdarfólki þeirra og sýnir þeim staðinn og margvíslega gripi sem þar er að finna. |
| 09.02.2010 |
Forseti á fund með nýjum sendiherra Möltu hr. Paul Bonello sem afhenti trúnaðarbréf sitt á Bessastöðum. Rætt var um stöðu eyríkja í Evrópu, sjávarútveg og reynslu Möltu af aðild sinni að Evrópusambandinu. Mynd. |
| 09.02.2010 |
Forseti á fund með nýjum sendiherra Kólumbíu á Íslandi hr. Rafael Nieto Navia sem afhenti trúnaðarbréf sitt á Bessastöðum. Rætt var um samvinnu á sviði menningar og lista, hugsanlega þátttöku í lista- og bókmenntahátíðum á Íslandi, sem og nýtingu hreinnar orku í Kólumbíu í samstarfi við nágrannalönd í Mið- og Suður-Ameríku. Mynd. |
09.02.2010
|
Forseti á fund með nýjum sendiherra Austurríkis dr. Daniel Krumholz sem afhenti trúnaðarbréf sitt á Bessastöðum. Rætt var um Evrópumótið í handbolta sem haldið var í Austurríki, möguleika á samvinnu á sviði hreinnar orku í Mið- og Austur-Evrópu, samstarf Íslands og Austurríkis á alþjóðavettvangi sem og viðhorf Austurríkis til umsóknar Íslands um aðild að Evrópusambandinu. Mynd. |
08.02.2010
|
Forseti tekur á móti eintaki af nýrri sögu Kaupfélags Skagfirðinga en stjórnarformaður Kaupfélagsins og kaupfélagsstjóri færðu forseta hana á Bessastöðum |
08.02.2010
|
Forseti á fund með forráðamönnum ráðstefnunnar Driving Sustainability sem haldin hefur verið á Íslandi á undanförum árum en hún er helguð alþjóðlegri umfjöllun um umhverfisvænar samgöngur. Rætt var um þróun ráðstefnunnar, möguleika Íslendinga til að gera bílaflota sinn vistvænni og uppbyggingu umfjöllunar um þessi efni í öðrum löndum. |
06.02.2010
|
Forseti sækir Nýsveinahátíð Iðnaðarmannafélags í Reykjavík þar sem fjölmargir iðnsveinar voru heiðraðir fyrir góðan námsárangur og meisturum þeirra afhentar viðurkenningar. Einnig var tilkynnt um val á iðnaðarmanni ársins og var það Björgvin Tómasson orgelsmiður. Forseti flutti ávarp við atöfnina en einnig fluttu ræður Katrín Jakobsdóttir menntamálaráðherra og Vilhjálmur Þ. Vilhjálmsson forseti borgarstjórnar.
|
| 05.02.2010 |
Forseti sækir frumsýningu Halaleikhópsins á verkinu Sjöundá - Svartfugl en það er byggt á verki Gunnars Gunnarssonar í nýrri leikgerð Ágústu Skúladóttur og Þorgeirs Tryggvasonar. Leikhópurinn samanstendur af ólíkum einstaklingum, fötluðum sem ófötluðum, og var hann stofnaður árið 1992 og hefur haft að markmiði að iðka leiklist fyrir alla. Meðal styrktaraðila leikhópsins eru Sjálfsbjörg og Öryrkjabandalag Íslands. |
01.02.2010
|
Forseti birtir kveðju vegna andláts Steingríms Hermannssonar fyrrverandi forsætisráðherra. Kveðja.
|
31.01.2010
|
Forseti er viðstaddur leik Íslands og Póllands á Evrópumótinu í handbolta sem haldið er í Vín, heilsar upp á leikmenn að loknum sigri þeirra, er viðstaddur verðlaunaathöfn mótsins og ræðir við forystumenn handknattleikssambandsins og ÍSÍ sem einnig voru á þessum lokadegi mótsins. Þá var forseti viðstaddur úrslitaleik mótsins þar sem Frakkar og Króatar áttust við |
29.01.2010
|
Forseti sækir fundi og ræðir við fjölmiðla í Davos. Fréttatilkynning.
|
27.01.2010
|
Forseti sækir Alþjóða efnahagsþingið í Davos. Fréttatilkynning.
|
19.01.2010
|
Forseti á fund með forseta Maldíveyja, Mohamed Nasheed, í Abu Dhabi þar sem báðir sóttu Heimsþing hreinnar orku. Fréttatilkynning. Mynd.
|
16.01.2010
|
Á síðasta degi opinberrar heimsóknar á Indlandi heimsækir forseti samstarfsaðila ýmissa íslenskra fyrirtækja í Bangalore.
Dagurinn hófst með heimsókn til InfoSys, eins stærsta upplýsingatæknifyrirtækis í veröldinni, með um 100.000 starfsmenn. Þar var rætt um stofnun gagnavera á Íslandi og þróun og prófun hugbúnaðar á Íslandi sem nýta má á alþjóðlegum markaði í samstarfi við öfluga aðila. Forseti skoðaði einnig hið nýja og glæsilega svæði InfoSys í Bangalore þar sem er fjöldi nýrra bygginga en fyrirtækið rekur átta slík svæði á Indlandi. Meðalaldur starfsmanna fyrirtækisins er 26 ár.
Þá heimsótti forseti Hindustan Turbomachinery þar sem er verið að smíða jarðhitaver sem kemst fyrir í einum gámi og er nokkur megavött. Jarðhitaverið er þróað af íslenska tæknifyrirtækinu Kaldara sem falið hefur Indverjum smíði þess. Það fyrsta verður sett upp í Kenía í apríl og það næsta prófað við Hellisheiðarvirkjun á Íslandi. Gerð slíkra smárra jarðhitavera getur valdið byltingu í nýtingu jarðhita víða um heim. Íslenska fyrirtækið Alvar er einnig að ræða við Hindustan Turbomachinery um smíði bora sem auðveldað geta fyrstu stig við könnun á jarðhita.
Að því loknu heimsótti forseti Lotus rannsóknafyrirtækið sem prófar og þróar ný lyf á vegum Actavis en fyrirtækið hefur þrefaldað stærð sína frá því forseti var viðstaddur undirritun samnings Lotus og Actavis fyrir fimm árum. Fyrirtækið gegnir lykilhlutverki í framtíðarþróun Actavis.
Einnig tók forseti þátt í málþingi á vegum stofnunarinnar Mobility India sem hjálpar fötluðu fólki í þorpum og í fátækari hverfum Bangalore að lifa eðlilegu lífi. Íslenska fyrirtækið Össur hefur gerst samstarfsaðili Mobility India og var því samstarfi fagnað sérstaklega á málþinginu. Forseti skoðaði einnig verkstæði og starfsemi stofnunarinnar og hélt ræðu á málþinginu um mikilvægi þess að slíkt samstarf gæti orðið til að auðvelda fólki að njóta lífsins á nýjan leik.
Um kvöldið sat forseti hátíðarkvöldverð í boði ríkisstjóra Karnatakafylkis Hans R. Bhardwaj þar sem viðstaddir voru fulltrúar margra íslenskra aðila sem eiga í samstarfi í Bangalore. |
| 15.01.2010 |
Opinber heimsókn til Indlands: Forseti átti fund með Ratan Tata, forstjóra Tata samsteypunnar sem er eitt öflugasta fyrirtæki Indlands á heimsvísu, umsvifamikið í margvíslegum iðnaði, upplýsingatækni, bílaframleiðslu og fleiri greinum , bæði í Asíu, Evrópu og Ameríku. Ratan Tata þáði boð forseta um að heimsækja Ísland til að kynna sér nánar árangur landsins á ýmsum sviðum. Sjá nánar í fréttatilkynningu. Myndir |
| 14.01.2010 |
Forsetahjónin og aðrir íslenskir gestir sitja hátíðarkvöldverð sem forseti Indlands Pratibha Patil býður til í hinni sögufrægu forsetahöll Rashtrapati Bhavan. Ræða forseta. |
| 14.01.2010 |
Opinber heimsókn tilIndlands: Forseti Indlands frú Pratibha Patil afhenti fyrr í dag forseta Nehruverðlaunin við hátíðlega athöfn í Delí að viðstöddum forsætisráðherra Indlands Manmohan Singh, varaforsetanum Mohammad Hamid Ansari, ráðherrum og fjölda indverskra áhrifamanna ásamt Soniu Gandhi leiðtoga Kongressflokksins. Ræða forseta. Fréttatilkynning. Myndir |
| 14.10.2010 |
Forseti sendi samúðarkveðjur til forseta Haítí. Fréttatilkynning |
| 14.01.2010 |
Opinber heimsókn til Indlands: Indland: samvinna og stuðningur, sjá nánar í fréttatilkynningu. Myndir |
12.01.2010
|
Opinber heimsókn forseta til Indlands hefst; sjá nánar í fréttatilkynningu.
|
09.01.2010
|
Forseti sækir árlegan hátíðarkvöldverð klúbbs matreiðslumeistara þar sem úrvalssveit íslenskra matreiðslumanna bar á borð nýja rétti byggða á íslensku hráefni, fiski, kjöti, gróðri og grösum. Í lok hátíðarkvöldverðarins flutti forseti ávarp, þakkaði fyrir hönd gesta frábæra frammistöðu íslenskra matreiðslumanna á undanförnu ári og árum en íslensk matargerð væri orðin öflugur þáttur í vaxandi ferðaþjónustu sem skapaði Íslandi mikilvægan gjaldeyri á erfiðum tímum. |
09.01.2010
|
Forseti tekur þátt í hátíð vegna sextíu ára afmælis skátafélagsins Landnema, heimsækir skátaheimilið og er viðstaddur skemmtun í kvöldvökustíl. Forseti var á sínum yngri árum félagi í Landnemum og er nú verndari Skátahreyfingarinnar. |
08.01.2010
|
Forseti ræðir við fréttamann Bloomberg, í beinni útsendingu í morgunþætti þessarar alþjóðlegu viðskiptasjónvarpsstöðvar. Þá ræddi forseti einnig við blaðamann frá Aftenposten í Noregi. |
07.01.2010
|
Forseti á samræður við fulltrúa íslenskra fjölmiðla, sjónvarpsstöðva, útvarpsstöðva og blaða á Bessastöðum þar sem ítarlega var rætt um ákvörðun forseta, atburði síðustu daga og viðbrögð hérlendis og erlendis.Hljóðupptaka frá fundinum á vef RÚV.
|
07.01.2010
|
Forseti ræðir við morgunþætti á tveimur rásum BBC, bæði BBC 4 Today og BBC 5 Live þar sem forseti svaraði meðal annars spurningum frá hlustendum. Þá ræddi forseti einnig við fréttamenn norska sjónvarpsins og danska sjónvarpsins. Fjallað var um ákvörðun forseta, stöðu Icesave málsins, viðbrögð á alþjóðavettvangi og á Íslandi, stuðning við málstað Íslendinga og framtíðarhorfur í íslensku efnahagslífi. Þá ræðir forseti við fulltrúa Sunday Times blaðsins í Bretlandi en það kemur út um helgina. |
| 06.01.2010 |
Forseti ræðir við Jeremy Paxman aðalstjórnanda breska fréttaþáttarins Newsnight á BBC um ákvörðun forseta, stöðu Icesave málsins, afstöðu Íslendinga og farsæla sambúð við aðrar þjóðir. Viðtalið á YouTube. |
| 06.01.2010 |
Forseti ræðir við fjölmarga fjölmiðla í Bretlandi, Hollandi og öðrum Evrópulöndum, m.a. BBC, CNN, Financial Times og hollenska útvarpið. |
| 06.01.2010 |
Forseti á fund með nýjum sendiherra Evrópusambandsins á Íslandi Timo Summa en Evrópusambandið hefur nú opnað sendiráð á Íslandi. Rætt var um samstarf Íslands við Evrópusambandið á undanförnum árum, bæði innan EES samningsins og Schengen, þróun mála á Norðurslóðum, umræður á Íslandi um aðildina að Evrópusambandinu og stöðu efnahagsmála. Mynd |
| 05.01.2010 |
Forseti er viðstaddur val á íþróttamanni ársins við hátíðlega athöfn þar sem einnig voru heiðraðir þeir sem voru valdir íþróttamenn ársins í einstökum keppnisgreinum. Á hátíðinni voru fjölmargir sem áður höfðu verið valdir íþróttamenn ársins, afreksfólk í íþróttum og forystufólk íþróttahreyfingarinnar auk íþróttafréttamanna. Ólafur Stefánsson var valinn íþróttamaður ársins. Athöfninni var sjónvarpað og í upphafi hennar flutti forseti ávarp. Vefur RÚV. |
| 05.01.2010 |
Forseti afhendir Íslensku bjartsýnisverðlaunin við hátíðlega athöfn í Iðnó en þau hlaut að þessu sinni Vikingur Heiðar Ólafsson píanóleikari. |
| 05.01.2010 |
Forseti flutti yfirlýsingu um niðurstöðu sína varðandi hin svonefndu Icesave lög á blaðamannafundi á Bessastöðum. Yfirlýsing forseta. English translation. |
| 02.01.2010 |
Forseti á fund með fulltrúum InDefence hópsins eftir að þeir afhentu forseta undirskriftir rúmlega 58.000 Íslendinga þess efnis að forseti synji nýjum IceSave lögum staðfestingar. Á fundinum fjölluðu fulltrúar hópsins um þau sjónarmið og rök sem áskorunin styðst við. |
| 01.01.2010 |
Nýársmóttaka forseta á Bessastöðum fyrir ráðherra, hæstaréttardómara, alþingismenn, sendiherra, ræðismenn, forystumenn ríkisstofnana og embættismenn, forystumenn félagasamtaka, stéttarsamtaka og atvinnulífs og aðra gesti.
|
| 01.01.2010 |
Forseti sæmir tíu Íslendinga riddarakrossi hinnar íslensku fálkaorðu. Fréttatilkynning |
| 01.01.2010 |
Forseti flytur nýársávarp sem sjónvarpað er frá Bessastöðum. Ensk þýðing. Flutningur |