Forseti heimsækir norska viðskiptaháskólann, BI Norwegian Business School, í Ósló og ræðir þar við nemendur og starfslið. Heimsóknin var liður í dagskrá þriggja daga ríkisheimsóknar forseta Íslands til Noregs og fylgdi Hákon krónprins forsetahjónum í skólann.

Rektor viðskiptaháskólans, Karen Spens, tók á móti gestunum og leiddi þau um skólann. Á sal fór svo fram opinn viðburður fyrir nemendur og starfslið þar sem forseti tók þátt í arinspjalli um ábyrga forystu á viðsjárverðum tímum. Spyrill var Kristine Dahl Steidel, CEO of Microsoft Norway.

Viðburðurinn var öllum opinn og var honum jafnframt streymt á netinu, en upptökuna má nálgast hér.