Forseti afhendir viðurkenningar til blóðgjafa sem gefið hafa blóð 150 sinnum eða oftar undanfarin ár. Ekki hefur verið unnt að standa að slíkum viðburði síðustu misseri vegna sóttvarnaráðstafana. Blóðgjafafélag Íslands stendur að viðurkenningum til blóðgjafa og í þetta sinn urðu eftirtaldir þessa heiðurs aðnjótandi: Hinrik Olsen, Óðinn Másson, Jóhannes L. Harðarson, Marías Hafstein Guðmundsson og Jan Ingvi Poulsen fyrir 150 blóðgjafir, Davíð Stefán Guðmundsson fyrir 175 skipti og þeir Óli Þór Hilmarsson og Hans Vihtori Henttinen fyrir að hafa gefið blóð 200 sinnum.