Forseti tekur á móti nýjum sendiherra Sádi-Arabíu, Enass Alshahwan, sem afhendir trúnaðarbréf sitt á Bessastöðum. Rætt var um loftslagsmál og þann vilja til orkuskipta sem víða má finna í heiminum. Sendiherra rakti þau skref sem tekin hafa verið í átt að auknu kynjajafnrétti í Sádi-Arabíu undanfarin ár og lagði mat á framtíðarhorfur í Austurlöndum nær. Forseti rakti sjónarmið Íslendinga á sviði umhverfisverndar, jafnréttis kynjanna og mannréttinda. Þá minnti hann á mikilvægi þess að alþjóðalög verði virt í hvívetna og ofbeldi ekki beitt í samskiptum ríkja.