Forseti ávarpar hátíðarsamkomu á 70 ára afmæli Menntaskólans að Laugarvatni. Skólinn var stofnaður þann 12. apríl 1953 og hefur starfað óslitið síðan. Þar eru nú 130 nemendur sem búa flestir á heimavist. Jóna Katrín Hilmarsdóttir skólameistari setti hátíðarsamkomuna í íþróttasal skólans, þar sem fluttar voru ræður og ML kórinn söng. Í ávarpi sínu nefndi forseti að stofnun Menntaskólans að Laugarvatni hefði verið hluti menningar- og jafnréttisbyltingar í landinu, á tímum þegar ekki þótti sjálfsagt að börn gengju menntaveginn. Ávarp forseta má lesa hér.