Forseti setur Alþingi við hátíðlega athöfn í Alþingishúsinu. Í ávarpi sínu ræddi forseti meðal annars hina miklu nýliðun í hópi Alþingismanna og um gildi þess að þingmenn standi saman í stórum hagsmunamálum þjóðarinnar, þingmenn séu fyrst og fremst „öll með það sameiginlega markmið að vinna þjóðinni gagn og standa vörð um hana.“ Hún vék einnig að áskorunum á alþjóðlegum vettvangi sem mæta þurfi með nýrri hugsun þar sem reyni á samstarfsvilja og framsýni en einnig frjótt ímyndunarafl: „Þingmennska er jafnvægislist sem krefst bæði virðingar fyrir formfestu og sköpunargáfu.“
Forseti nefndi einnig að Ísland njóti góðs af alþjóðlegri samvinnu og sagði eðilegt að spyrja um áhrif þess á okkur ef alþjóðalög eru virt að vettugi.
Í lok ræðu sinnar óskaði forseti Alþingi og ríkisstjórn allra heilla.