Forsetahjón taka á móti fulltrúum Félags áhugafólks um Downs-heilkennið sem færa þeim mislita sokka á alþjóðadegi Downs heilkennisins þann 21. mars. Dagsetningin er táknræn og vísar til þess að Downs heilkennið orsakast af aukalitningi í litningapari 21.
Markmið dagsins er að vekja jákvæða athygli á einstaklingum með Downs heilkenni og hvetja til virkrar þátttöku þeirra í samfélaginu. Hefð er fyrir því að klæðast mislitum sokkum á þessum degi til að fagna fjölbreytileikanum.
Listamennirnir Arna Dís Ólafsdóttir & Lóaboratorium (Lóa Hlín Hjálmtýsdóttir) hönnuðu í sameiningu ósamstætt sokkapar í tilefni dagsins, en í ár eru „sokkarnir” prentaðir á bolla, á töskur og á boli. Einnig voru útbúin tattú með sokkunum. Varningurinn er seldur til styrktar Félagi áhugafólks um Downs-heilkennið.