Íslensku bjartsýnisverðlaunin
Íslensku bjartsýnisverðlaunin, áður Bjartsýnisverðlaun Brøstes, eru árleg menningarverðlaun sem eiga sér langa sögu. Forseti Íslands hefur frá upphafi verið verndari verðlaunanna. Þau voru fyrst afhent árið 1981 og voru allt til ársins 1999 kennd við upphafsmann sinn, Danann Peter Brøste. Við verðlaunaafhendinguna það ár var ljóst að Brøste vildi draga sig í hlé eftir 18 ára rausnarlegt starf og skoraði hann á íslensk fyrirtæki að halda þessum merku menningarverðlaunum á lífi.
Alcan í Straumsvík tók þeirri áskorun og varð bakhjarl verðlaunanna frá og með árinu 2000. Nafni þeirra var breytt í Íslensku bjartsýnisverðlaunin með samþykki forseta Íslands, sem frá upphafi hefur verið verndari verðlaunanna.
Íslensku bjartsýnisverðlaunin hafa löngu fest sig í sessi. Þau eru í senn viðurkenning og hvatning fyrir íslenska listamenn og leitast er við að gæta jafnræðis milli listgreina.
Þessir listamenn hafa hlotið Bjartsýnisverðlaunin:
2024 Unnsteinn Manuel Stefánsson
2023 Laufey Lín Jónsdóttir
2022 Sigríður Soffía Níelsdóttir
2021 Fríða Ísberg
2020 Ari Eldjárn
2019 Hildur Guðnadóttir
2018 Daníel Bjarnason
2017 Margrét Örnólfsdóttir
2016 Elín Hansdóttir
2015 Ólafur Arnalds
2014 Hugi Guðmundsson
2013 Ragnar Kjartansson
2012 Helga Arnalds
2011 Sigrún Eldjárn
2010 Gísli Örn Garðarsson
2009 Víkingur Heiðar Ólafsson
2008 Brynhildur Guðjónsdóttir
2007 Guðný Halldórsdóttir
2006 Hörður Áskelsson
2005 Ragnhildur Gísladóttir
2004 Dagur Kári Pétursson
2003 Hilmar Örn Hilmarsson
2002 Andri Snær Magnason
2001 Björn Steinar Sólbergsson
2000 Hilmir Snær Guðnason
1999 Björk Guðmundsdóttir
1998 Gyrðir Elíasson
1997 Karólína Lárusdóttir
1996 Haukur Tómasson
1995 Friðrik Þór Friðriksson
1994 Helga Ingólfsdóttir
1993 Kristján Jóhannsson
1992 Sigrún Eðvaldsdóttir
1991 Helgi Gíslason
1990 Leifur Breiðfjörð
1989 Hlíf Svavarsdóttir
1988 Einar Már Guðmundsson
1987 Guðmundur Emilsson
1986 Kjartan Ragnarsson
1985 Ágúst Guðmundsson
1984 Helgi Tómasson
1983 Þorgerður Ingólfsdóttir
1982 Bragi Ásgeirsson
1981 Garðar Cortes