Forseti tekur á móti Gnotsyoudom Douangmany, nýjum sendiherra Laos gagnvart Íslandi með aðsetur í London. Rætt var um framtíðarhorfur í Laos. Landbúnaður er undirstaða efnahags þar en vonir standa til að efla megi iðnað í landinu og þá eru uppi áform um að nýta vatnsafl þar. Rætt var um möguleika á samstarfi við Íslendinga í þeim efnum. Einn Laosi mun búa á Íslandi um þessar mundir. Forseti rakti markmið og sjónarmið íslenskra stjórnvalda á alþjóðavettvangi á sviði mannréttinda og utanríkismála, jafnréttis- og umhverfismála.